2 SAMUEL 15:30 - KA BAIBL

³⁰ Bad u Dabid u la leit kiew ïa u lum ki Olib, u da ïam ruh katba kiew artet; bad u la tapmoh ïa la ka khlieh, bad u la ïaid 'jat lyngkhuit ruh de: bad kita ki briew baroh kiba la don lem bad u ki la tapmoh uwei pa uwei ïa la ka khlieh, bad ki la leit artet, ki da ïam katba ki ïakiew.

Khasi CL Bible (BSI)

³⁰ Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

2 SAMUEL 15:30 ပူးပေါင်းရင်းမြစ်များ

2 SAMUEL 15:29

Kumta u Sadok bad u Abiathar ki la bah noh pat ïa kata ka synduk U Blei sha Jerusalem: bad ki la sah ruh hangta.

2 SAMUEL 19:4

Hynrei, u syiem u la tap ïa la ka khmat, bad u syiem u la pyrta da ka ktien kaba jam, “Ko khun jong nga Absalom, ko Absalom, ko khun jong nga, ko khun jong nga!”

2 SAMUEL 19:5

Bad u Joab u la wan bsut shapoh ïing ha u syiem, bad u la ong, “Ha kane ka sngi me la pynlehrain ïa ki khmat ki shakri jong me baroh, kiba ha kane ka sngi ki la pynim ïa ka jingim jong me, bad ïa ka jingim ki khun shynrang bad ka jong ki khun kynthei jong me, bad ïa ka jingim ki tnga jong me, bad ïa ka jingim ki tnga kliar jong me;

ESTHER 6:12

Te u Mordekai u la wan pat sha ka khyrdop u syiem. Hynrei, u Haman u la leit kyrkieh sha la ïing, u da sngewsih bad u da tap noh ïa la ka khlieh.

SALM 42:3

Ki ummat jong nga ki la long jingbam ïa nga mynsngi bad mynmiet, katba ki ïa-ong ïa nga ha la ka sngi, “Hangno uta U Blei jong me?”

SALM 43:5

Balei ba la pynnoh ïa pha, ko ka mynsiem jong nga? bad balei ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat, uba long ka jingkhiah ka khmat jong nga, bad U Blei jong nga.

ESEKIEL 24:17

To ud, hynrei, wat da pynjam; wat leh sngewsih na ka bynta ka baïap, spong la ka jaiñspong, phong la ki juti ha la ki kjat, bad wat tap la ki rmiang shyntur, bad wat bam ïa u kpu ki briew.”

ESEKIEL 24:23

Bad ki jaiñspong jong phi kin long halor ki khlieh jong phi bad ki juti jong phi ha ki kjat jong phi: phin ym leh sngewsih lymne ïam; hynrei, phin ïaring swai ha la ki jingleh bymhok, bad phin ïa-ud uwei ha uwei pat.”

SEKHARAÏAH 14:4

Te ha kata ka sngi ki kjat jong u kin ïeng halor u lum Olib, uba ha pyrshah ka Jerusalem shaphang mihngi, bad u lum Olib un kad napdeng jong u shaphang mihngi bad shaphang sepngi, te kan don ka them kaba khraw; te shiliang u lum kan kynriah shaphang shatei, bad shiliang shaphang shathie.

MATHAÏOS 5:4

“Suk ki basngewsih: naba yn pyntngen ïa ki.

LOUKAS 19:29

Ka la jia ruh ynda u la poi hajan Bethphage bad Bethania, haduh uta u lum ïa uba ju khot “U Lum ki Olib”, ba u la phah ar ngut na ki synran jong u,

LOUKAS 19:37

Te haba U la poi hajan kat haduh kaba hiar na uta U Lum ki Olib, uta u paidbah synran baroh ki la ïasdang ban ïalehkmen bad ban ïaroh ïa U Blei da ka ktien bajam, namar ki kambah baroh ïa kiba ki la lah ïohi,

LOUKAS 19:41

Te katba U la poi hajan, haba U la khmih ïa ka shnong, U la ïam na ka bynta jong ka,

LOUKAS 21:37

Bad mynsngi mynsngi u ju hikai ha ka templ, hynrei, mynmiet mynmiet u ju mih noh, bad u sah miet ha u lum ïa uba khot “Olib”.

LOUKAS 22:39

Te u la mih noh, bad u la leit, kumba u ju leit, sha u lum Olib; te ki synran jong u ruh ki la bud ïa u.

KI KAM 1:12

Ynda kumta, ki la ïaleit phai sha Jerusalem na u lum ba la khot “Olib”, uba hajan Jerusalem, kat ka jingleit sngi Sabbaton.

Ka Shithi U Paul Sha Ki Nong Rom 12:15

To ïakmen lem bad kita kiba ïakmen, to ïaïam lem bad kita kiba ïam.

1 KORINTH 12:26

Te kumta, lada kawei ka dkhot ka shitom, kita ki dkhot baroh ki ïashitom lem; lada la pyndonburom ruh ïa kawei ka dkhot, kita ki dkhot baroh ki ïakmen lem.