2 SAMUEL 15:2 - KA BAIBL

² Bad u Absalom u la ju khie dang step, bad u la ju ïeng harud ka lynti ka khyrdop: te ka la long kumta, ba haba uno uno u briew uba don ka kajia u wan sha u syiem ban ïoh bishar, hangta u Absalom u la ju khot ïa u, bad u ong, “Me uba na kano ka shnong?” Uta te u la ju ïathuh, “U shakri jong me uba na kawei na ki jaid Israel.”

Khasi CL Bible (BSI)

² U ju khie dang step phyrngab bad u ju leit ïeng harud lynti ha ka khyrdop shnong. Haba uno uno u briew u wan hangta bad ka jingïakajia kaba u kwah ïa u syiem ban pynbeit, u Absalom u ju khot ïa u, bad kylli ïa u, u dei uba nangno. Bad hadien ba u briew u la ïathuh ïa u na kano ka jait u dei,

2 SAMUEL 15:2 ပူးပေါင်းရင်းမြစ်များ

JENESIS 34:20

Ynda kumta, u Hamor bad u Shekhem u khun jong u, ki la ïaleit sha ka khyrdop ka nongbah jong ki, bad ki la ïakren bad ki briew ka nongbah jong ki, ki da ong,

2 SAMUEL 19:8

Ynda kumta, u syiem u la ïeng, bad u la shong ha kata ka khyrdop. Te la pynbna ha u paidbah baroh, da kaba ong, “Ha khmih, u syiem u shong ha ka khyrdop”: bad u paidbah baroh u la wan ha khmat u syiem. Te ki Israel ki la phet uwei uwei baroh sha la ka ïingjaiñ.

2 KHRONIKL 10:7

Ki te ki la kren ha u, ki ïa-ong, “Lada me leh sbun ha une u paidbah, bad men pynsngewbha ïa ki, bad men kren ki ktien bha ha ki, ki ruh kin long ki shakri jong me junom.”

Ka Kitab U Job 24:14

U nongshohnoh u khie ryngkat bad ka jingshai, u pynïap ïa u baduk bad u bakyrduh; bad mynmiet u long kum u nongtuh.

EKSODOS 18:14

Te haba u kthaw kurim u Moses u la ïohi ïa kata baroh ba u la leh ïa uta u paidbah, u la ong, “Kaei kane ba me leh ïa u paidbah? balei me shong marwei, bad ba ki briew baroh ki ïaïeng hajan jong me naduh mynstep haduh ba la ïongreiñ?”

EKSODOS 18:16

haba ki ïadon kano kano ka kam, ki ïawan sha nga; bad nga bishar keiñ hapdeng ki paralok, bad nga ju pyntip ruh ha ki ïa ki hukum U Blei, bad ïa ki aiñ jong u.”

EKSODOS 18:26

Bad kita ki la ïabishar ruh ïa u paidbah ha la ka sngi: te ïa kita ki kam kiba jur ki la ïawallam ha u Moses, hynrei, ïa ki kam ki barit baroh ki la ïabishar hi.

PROBERB 4:16

Naba kin ym thiah noh, lymda ki la leh sniew; bad ka jingïohthiah jong ki ka la duh noh, tad ynda ki la pynkyllon ïano ïano.

DANIEL 11:21

Te ha ka jaka jong u, un mih u briew uba khlem burom, ha uba kim shym la ai ka burom ka hima: hynrei, un wan ha ka por basuk, bad un ïoh ïa ka hima da ki jingkren arsap.

MATHAÏOS 27:1

Haba ka la shai te, ki rangbah lyngdoh baroh bad ki tymmen basan jong u paidlang ki la ïasylla shaphang U Jisu, ïa ka ban pynïap ïa u.

DEUTERONOMI 17:8

“Lada kan mih kaei kaei ruh ka kam ba kham eh ïa me ha ka jingbishar, hapdeng ka snam bad ka snam, hapdeng ka jingdawa bad ka jingdawa, bad hapdeng kaba shoh bad kaba shoh, ha ki kynja ki jingïakajia keiñ hapoh ki khyrdop jong me: ynda kumta men ïeng, bad men leit kiew ruh sha kata ka jaka ïa kaba U Trai uba U Blei jong me un jied;

RUTH 4:1

Ynda kumta, u Boas u la leit kiew sha ka khyrdop, bad u la shong hangta: te ha khmih, uta u kur bajan ba u Boas u la kren shaphang jong u, u la ïaid nangta; te u la ong ha u, “Ko uba kumta kumta! ale shane, shong hangne.” U te u la leit shata, bad u la shong.