2 SAMUEL 15:18 - KA BAIBL

¹⁸ Te kita ki shakri jong u baroh ki la nang ïaid hajan jong u; ki Khereth baroh, bad ki Peleth baroh, bad ki Gitt baroh, hynriewspah ngut ki rangbah kiba la wan bud ïa u na Gath, ki la nang ïaid ha shuwa u syiem.

Khasi CL Bible (BSI)

¹⁸ Baroh ki rangbah synshar jong u ki la ïeng hajan jong u, katba ka kynhun ki shipai ïada syiem ki dang ïaid na khmat jong u. Ki hynriewspah ngut ki shipai kiba la bud ïa u na Gath ki la ïaid,

2 SAMUEL 15:18 ပူးပေါင်းရင်းမြစ်များ

2 SAMUEL 15:17

Bad u syiem u la leit noh, bad u paidbah baroh u bud ïa u; te ki la sah ha Beth-merhak.

2 SAMUEL 18:2

Bad u Dabid u la phah lai bynta ïa u paidbah, shi bynta hapoh ka kti u Joab, bad shi bynta hapoh ka kti u Abishai u khun ka Seruïah, u para u Joab, bad shi bynta hapoh ka kti u Ittai u nong Gitt. Bad u syiem u la ong ïa u paidbah, “Shisha nga ruh ngan mih lem bad phi.”

2 SAMUEL 20:23

Te u Joab u la long halor ki paidïapom ki Israel baroh: bad u Benaïah u khun u Jehoïada u la long halor ki Khereth bad halor ki Peleth:

2 SAMUEL 20:7

Te ki la leit mih hadien jong u ki rangbah u Joab, bad ki Khereth bad ki Peleth, bad ki rangbah badonbor baroh: bad ki la leit mih noh na Jerusalem, ïa ka ban beh nadien u Sheba u khun u Bikhri.

2 SAMUEL 6:10

Kumta, u Dabid um treh shuh ban pynkynriah ïa ka synduk U Trai ha lade sha ka nongbah u Dabid; hynrei, u Dabid u la pynphai ïa ka sha ïing u Obed-edom u nong Gath.

2 SAMUEL 8:18

bad u Benaïah u khun u Jehoïada u la long halor ki Khereth bad ki Peleth ruh; te ki khun shynrang u Dabid ki la long ki bakhraw batri.

1 SYIEM 1:38

Kumta, u Sadok lyngdoh bad u Nathan u nongïathuhlypa, bad u Benaïah u khun u Jehoïada, bad ki Khereth bad ki Peleth, ki la leit hiar, bad ki la pynshong ïa u Solomon halor u kadda u syiem Dabid, bad ki la leit lam ïa u sha Gihon.

1 KHRONIKL 18:17

bad u Benaïah u khun u Jehoïada, u la long halor ki Khereth bad ki Peleth; bad ki khun shynrang u Dabid ki la long rangbah bad u syiem.

1 SAMUEL 23:13

Ynda kumta, u Dabid bad u paidbah jong u, kumba hynriewspah ngut, ki la ïeng bad ki la leit noh na Keilah, bad ki la leit kylleng kat sha kaba ki lah. Te la ïathuh ha u Saul ba u Dabid u la phet noh na Keilah; u ruh u la pep ban leit mih noh.

1 SAMUEL 25:13

Te u Dabid u la ong ïa la u paidbah, “To kieng uwei pa uwei ïa la ka waitlam.” Bad ki la kieng uwei pa uwei baroh ïa la ka waitlam; bad u Dabid ruh u la kieng ïa la ka waitlam: te ki la leit kiew kumba sawspah ki briew hadien u Dabid; bad arspah ngut ki la sah bad ki jingbuh jingsat.

1 SAMUEL 27:3

Bad u Dabid u la shong bad u Akhish ha Gath, ma u bad ki rangbah jong u, uwei pa uwei baroh bad la ka ïing, u Dabid bad kita ki ar ngut ki tnga jong u, ka Ahinoam ka nong Jesril, bad ka Abigail, ka tnga u Nabal, ka nong Karmel.

1 SAMUEL 27:4

Te la ïathuh ha u Saul ba u Dabid u la phet sha Gath: te um shym wad shuh ïa u.

1 SAMUEL 30:1

Te hamar kaba u Dabid bad u paidbah jong u ki la ïawan poi sha Siklag ha ka sngi ka balai, ki Amalek ki la lah hiar thma sha ka phang shathie, bad ha Siklag, bad ki la jop ïa ka Siklag, bad ki la thang ïa ka da ka ding;

1 SAMUEL 30:14

Te ngi la hiar thma ïa ka shathie jong ki Khereth, bad ïa ka jong ka Judah, bad ïa ka phang shathie jong u Kaleb; bad ïa ka Siklag ngi la thang da ka ding.”

1 SAMUEL 30:9

Kumta, u Dabid u la leit, ma u bad kita ki hynriewspah ngut kiba bad u, bad ki la poi sha ka wah Besor, ha kaba ki la shong kita ïa kiba la iehnoh sah.