2 SAMUEL 15:14 - KA BAIBL

¹⁴ Bad u Dabid u la ong ha la ki shakri baroh kiba la don lem bad u ha Jerusalem, “Ïeng, to ngin ïaphet noh; lymda kumta, ngin ym lait mano mano na u Absalom: to pynkloi ïa ka ban leit, ba ïoh un lap kyndit ïa ngi, bad wallam ka jingjynjar halor jong ngi, bad ba un pom ïa kane ka shnong da ka syrti waitlam.”

Khasi CL Bible (BSI)

¹⁴ Kumta u Dabid u ong ha ki rangbah synshar jong u baroh kiba don bad u ha Jerusalem, “Ngi dei ban ïaphet noh shisyndon lada ngi kwah ban lait na u Absalom! Pynkloi! Ïoh ba un poi shen hangne bad jop ïa ngi bad pynïap ïa uwei pa uwei ha ka nongbah!”

2 SAMUEL 15:14 ပူးပေါင်းရင်းမြစ်များ

2 SAMUEL 12:11

Kumne u ong U Trai, ‘Ha khmih, ngan pynmih ïa ka jingsniew pyrshah ïa me na ka ïing jong me hi, bad ngan shim ïa ki tnga jong me ha khmat jong me, bad ngan ai ïa ki ha u paramarjan jong me, u ruh un thiah bad ki tnga jong me ha pyrshah kane ka sngi.

2 SAMUEL 15:15

Te kita ki shakri u syiem ki la ïa-ong ha u syiem, “Ha khmih, ki shakri jong me ki la kloi ban leh ïa kiei kiei baroh ba u syiem kynrad jong ngi u mon.”

2 SAMUEL 19:10

Bad une u Absalom, ïa uba ngi la pynsleh ban long halor jong ngi, u la ïap ha ka thma. Namar kata te, balei phim ïakren shaphang ka ban wallam pat ïa u syiem?”

2 SAMUEL 19:9

Bad ki paidbah baroh ki la ïa-pyneh bad ki jaid Israel baroh, ki ïa-ong, “U syiem u la pyllait ïa ngi na ka kti ki nongshun jong ngi, bad u la pynim ïa ngi na ka kti ki Philistia; mynta te, u la phet na ka ri na u Absalom.

SALM 51:18

To leh bha ha la ka jingsngewbha ïa ka Seïon: to tei ïa ka kynroh ka Jerusalem.

ESEKIEL 46:18

Ruh u nongsynshar un ym shim ïa ka jingïoh bynta u paidbah, ban beh noh ïa ki na ka ri kynti jong ki; un ai ïa ka jingïoh bynta ha ki khun shynrang jong u na ka ri kynti jong u hi: khnang ba ki briew jong nga kin ym sakma uwei uwei baroh na ka ri kynti jong u.”

MATHAÏOS 11:12

Te naduh ki sngi u Ïoannis u Nongpynbaptis haduh mynta, la ïaknieh ïa ka hima ki bneng, bad kiba ïaknieh ki shim ïa ka da ka bor.

LOUKAS 10:15

Pha ruh, Kapernam, ïa kaba la kyntiew shaduh bneng, yn pynhiar noh arsut keiñ ïa pha haduh Hades.