2 SAMUEL 15:12 - KA BAIBL

¹² Bad u Absalom u la phah khot ïa u Ahithophel u nong Gilon, u myntri jong u Dabid, na la ka shnong, kata na Giloh, mynba u dang kñia ïa kita ki jingkñia. Te kata ka jingshetsylla ka la jur; naba u paidbah uba bad u Absalom u la nang bun nang bun.

Khasi CL Bible (BSI)

¹² Bad katba u dang ai jingkñia, u Absalom u phah khot ruh na ka shnong Gilo ïa u Ahithophel, uba long uwei na ki nongaibuit jong u Syiem Dabid. Ka jingthmu barieh pyrshah ïa u syiem ka nang jur, bad ki nongbud jong u Absalom ki nang bun.

2 SAMUEL 15:12 ပူးပေါင်းရင်းမြစ်များ

2 SAMUEL 15:31

Te la don uba la ïathuh ha u Dabid, da kaba ong, u Ahithophel ruh u don hapdeng kita kiba ïashetsylla bad u Absalom. Bad u Dabid u la ong, “A Trai, nga kyrpad ïa me, to pynkylla jingbieit ïa ka buit sian u Ahithophel.”

2 SAMUEL 16:15

Te u Absalom, bad u paidbah ki rangbah Israel baroh, ki la wan sha Jerusalem, bad u Ahithophel ryngkat bad u.

2 SAMUEL 17:14

Bad u Absalom bad ki rangbah Israel baroh ki la ïa-ong, “Ban ïa ka jingpynibuit u Ahithophel lah ka jingpynibuit u Hushai u nong Arkhi.” Naba U Trai u la buh khnang ban pynduh noh ïa ka jingpynibuit ka babha u Ahithophel, khnang ba U Trai un ïoh pynwan ïa ka jingsniew halor u Absalom.

2 SAMUEL 17:23

Te haba u Ahithophel u la ïohi ba ym shym leh kumba u la pyni buit ma u, u la teh jin ha la ka kadda, bad u la ïeng, bad u la leit sha la ïing, ha ka shnong jong u, bad haba u la pynbeit ïa la ka ïing, u la phasi ïa lade; bad u la ïap, bad la tep ïa u ha u maw jingtep u kpa jong u.

2 SAMUEL 23:34

u Eliphelet u khun u Ahasbai, u khun u kynja Maakath, u Eliam u khun u Ahithophel u nong Gilon;

1 SYIEM 21:12

Ki la pynbna ka jingshah jingit, bad ki la buh ïa u Naboth ha kaba kham jrong hapdeng u paidbah.

1 SYIEM 21:9

Bad ka la thoh ha kita ki shithi, ka da ong, “Pynbna ïa ka jingshah jingit, bad to buh ïa u Naboth ha kaba kham jrong hapdeng u paidbah:

1 KHRONIKL 27:33

bad u Ahithophel u la long u myntri u syiem: bad u Hushai u nong Arkhi u la long u lok u syiem:

SALM 41:10

Hynrei, ma me, A Trai, to isynei ïa nga, bad to pynïeng ïa nga, ba ngan ïoh leh kylliang ïa ki.

SALM 41:9

Wat uta u lok ba-ieit jong nga hi ruh, ha uba nga la shaniah, uba la ju bam ïa u kpu jong nga, u la rah ïa la ka khongdong'jat pyrshah ïa nga.

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 21:27

Ka jingkñia jong u bymman ka long ka jingijli: sa katno lei lei haba u wallam ïa ka bad ka jingmut bymman!

JEREMAÏAH 6:20

Ïa ka ban lei ka wan poi ha nga ka jingiwbih na Sheba, bad u pai bathiang na ka ri ba jngai? Ki jingainguh thang jong phi kim long kiba pdiang hun, lymne ki jingkñia jong phi kiba pynsngewbha ïa nga.

JINGKHEIÑ 23:1

Te u Balaam u la ong ha u Balak, “To tei hynñiew tylli ki duwan ha nga hangne, to khreh ruh ha nga hangne, hynñiew tylli ki masi dab, bad hynñiew tylli ki langbrot shynrang.”

JINGKHEIÑ 23:14

Te u la ïalam ïa u sha ka madan Sophim, sha khlieh u lum Piskah, bad u la tei hynñiew tylli ki duwan, u la kñia ruh ïa uwei u masi dab, bad ïa uwei u langbrot, halor kawei kawei ka duwan.

JINGKHEIÑ 23:30

Bad u Balak u la leh kumba u la ong u Balaam, bad u la ainguh da uwei u masi dab, bad uwei u langbrot ha kawei kawei ka duwan.

ÏOANNIS 13:18

Ngam kren shaphang jong phi baroh: nga, nga ithuh ïa kiba nga la jied, ba yn ïoh pyndep ïa kata Ka Jingthoh, ‘Uta uba bam jingbam lem bad nga u la rah ïa la ka khongdong'jat ban ïaleh ïa nga.’

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.

JOSHUA 15:51

bad ka Goshen, bad ka Holon, bad ka Giloh; khatwei ki nongbah bad ki nongrit jong ki de.