2 SAMUEL 15:10 - KA BAIBL

¹⁰ Hynrei, u Absalom u la phah ïa ki nongsyntiat ha ki jaid Israel baroh, da kaba ong, “Phi, tang phi shu ïohsngew ïa ka jingsawa ka ronsing, te hangta phin ong, ‘U Absalom u long syiem ha Hebron.’ ”

Khasi CL Bible (BSI)

¹⁰ Hynrei u la phah ïa ki nonglamktien sha ki jait Israel baroh ban ong, “Haba phi ïohsngew ïa ka jingsawa ki turoi, pyrta jam, ‘U Absalom u la long syiem ha Hebron!’ ”

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Te u Absalom u la hukum ïa la ki shakri, u da ong, “To khmih thuh te, haba ka dohnud u Amnon ka la kmen da ka Waiñ; bad haba ngan ong ïa phi, ‘To shoh ïa u Amnon’, hangta te to pynïap ïa u, wat sheptieng: balei, ngam shym hukum ïa phi? leh rangbah keiñ, bad to long kiba shlur ruh.”

2 SAMUEL 14:30

Namar kata, u la ong ïa la ki shakri, “Phi ïohi ïa ka lyngkha u Joab hajan ka jong nga, bad u don hangta u Kew Barli; khie leit keiñ bad wiang ïa ka.” Kumta, ki shakri u Absalom ki la wiang ïa kata ka lyngkha.

2 SAMUEL 15:9

Bad u syiem u la ong ha u, “To leit ha kaba suk.” Kumta u la ïeng, bad u la leit sha Hebron.

2 SAMUEL 19:10

Bad une u Absalom, ïa uba ngi la pynsleh ban long halor jong ngi, u la ïap ha ka thma. Namar kata te, balei phim ïakren shaphang ka ban wallam pat ïa u syiem?”

2 SAMUEL 2:1

Hadien kane te, u Dabid u la kylli na U Trai, u da ong, “Ngan leit kiew ne em sha kano kano na ki nongbah Judah?” Bad U Trai u la ïathuh ha u, “To leit kiew.” Te u Dabid u la kylli, “Shano ngan leit kiew?” U te U la ïathuh, “Sha Hebron.”

2 SAMUEL 2:11

Te ka por ba u Dabid u la long syiem ha Hebron halor ka ïing Judah ka la long hynñiew snem bad hynriew bnai.

2 SAMUEL 5:5

Ha Hebron u la synshar hynñiew snem hynriew bnai halor ki Judah: bad ha Jerusalem u la synshar laiphew lai snem halor ki Israel bad ki Judah baroh.

1 SYIEM 1:11

U Nathan te u la kren ha ka Bathsheba ka kmie u Solomon, u da ong, “Pham shym ïohsngew ba u Adonijah u khun ka Haggith u synshar, bad u Dabid u kynrad jong ngi um tip ïa kata?

1 SYIEM 1:34

bad to u Sadok lyngdoh bad u Nathan u nongïathuhlypa kin pynsleh ïa u hangta ban long u syiem halor ki Israel: bad to put phi da ka turoi, bad to ong, ‘U Blei un pynim ïa u Solomon syiem.’

2 SYIEM 9:13

Hangta ki la pynkloi, bad ki la shim uwei uwei baroh ïa la ka jaiñkup, bad ki la buh ïa ka hapoh jong u halor khlieh ki kyrdan, bad ki la put ka turoi, ki ïa-ong, “U Jehu u long syiem.”

1 KHRONIKL 11:3

Kumta, ki tymmen basan ki Israel baroh ki la wan sha u syiem ha Hebron; bad u Dabid u la ïateh jutang bad ki ha Hebron ha khmat U Trai; bad ki la pynsleh ïa u Dabid ban long syiem halor ki Israel, katba kum ka ktien U Trai da ka kti u Samuel.

1 KHRONIKL 12:23

Bad kine ki long ki jingkheiñ ki rangbah jong ki kiba la kieng atiar ïa ka thma, kiba la wan sha u Dabid ha Hebron, ban pynphai noh ïa ka hima u Saul sha u, katba kum ka ktien U Trai.

1 KHRONIKL 12:38

Kine baroh, kiba long ki riewthma, kiba nang ban buh pynbeit ryntih ïa ka thma, ki la wan da ka dohnud bahok sha Hebron, ban pynlong syiem ïa u Dabid halor ki Israel baroh: bad kita kiwei baroh na ki Israel ki la long da kawei ka dohnud ban pynlong syiem ïa u Dabid.