2 SAMUEL 14:7 - KA BAIBL

⁷ Te, ha khmih, ki kur baroh ki la ïeng ïaleh ïa ka shakri jong me, bad ki la ïa-ong, ‘To ai noh ïa uba la pynïap ïa la u para, ba ngi ruh ngin pynïap ïa u na ka bynta ka jingim uta u para jong u ïa uba u la pynïap, bad kumta ngin pynjot noh ïa uta u nongïoh pateng ruh’: kumta kin pynlip noh ïa u rnga ding jong nga ïa uba la pynsah, bad kin ym pynsah nam lymne ki khun ki ksiew ïa u tnga jong nga ha khmat ka pyrthei.”

Khasi CL Bible (BSI)

⁷ Bad mynta, ko kynrad, baroh ki ba-ha-ïing ha-sem jong nga ki la phai pyrshah ïa nga bad ki dawa ba ngan ai ha ki ïa u khun shynrang jong nga, khnang ba ki lah ban pynïap ïa u namar ba u la pynïap ïa uba shi para bad u. Lada ki leh ïa kane, ngan shah iehnoh khlem u khun. Kin pynjot ïa ka jingkyrmen bakhatduh jong nga bad kin iehnoh ïa u tnga jong nga khlem u khun jong u ban ri pynim ïa ka kyrteng jong u.”

2 SAMUEL 14:7 ပူးပေါင်းရင်းမြစ်များ

JENESIS 27:45

tad ynda ka jingbitar u hynmen jong me ka phai noh keiñ na me, bad ba u la klet noh ïa kata ïa kaba me la leh ïa u: hadien kata, ngan phah shaw pat ïa me nangta shane: hato balei yn shim noh na nga ïa phi baroh ar ngut ruh ha kawei ka sngi?”

JENESIS 4:14

Ha khmih, me la beh noh ïa nga ha kane ka sngi na khmat kane ka khyndew; bad na ka khmat jong me ruh yn buhrieh ïa nga; ngan long ruh u nongïaidwir bad u nongphet ïap ha ka pyrthei; kan jia ruh ba jar uba ïoh shem ïa nga un pynïap noh ïa nga.”

2 SAMUEL 12:17

Ki tymmen basan ka ïing jong u ki la mih, bad ki la ïeng hajan jong u, ïa ka ban pynïeng ïa u na khyndew: u te um treh, lymne um bam kpu lem bad ki.

2 SAMUEL 14:6

Te ka shakri jong me ka la don ar ngut ki khun shynrang, bad kine ar ngut ki la ïashoh ha lyngkha, bad ym shym don mano mano ban pynkhlad ïa ki, te uwei u la shoh ïa uta uwei, bad u la pynïap noh ïa u.

2 SAMUEL 14:8

Te u syiem u la ong ha kata ka briew, “To khie leit sha la ïing, ngan sa pynmih hukum shaphang jong pha.”

JINGKHEIÑ 35:19

Dei uta u nongpynhiar kput ka snam hi u ban pynïap ïa uta u nongpynïap briew: haba u shem ïa u, un pynïap noh ïa u.

MATHAÏOS 21:38

Hynrei, haba kita ki nongsumar bri ki la ïohi ïa uta u khun, ki la ïa-ong paralok hi, ‘Une u ban sa long u trai ka brisoh; ïa ngin ïa-pynïap noh ïa u, ngin ïashim ruh ïa ka bynta jong u.’

DEUTERONOMI 25:6

Te ai ba uta ïa uba kan kha nyngkong, un ïoh ka kyrteng u hynmen jong u, uba la ïap, ba yn ym pyndam noh ïa ka kyrteng jong u na Israel.