2 SAMUEL 14:4 - KA BAIBL

⁴ Te haba kata ka briew kaba na Tekoa ka la kren ha u syiem, ka la dem ngon la ka khmat haduh khyndew, bad ka la nguh de, bad ka la ong, “Ko syiem, to ïarap.”

Khasi CL Bible (BSI)

⁴ Kata ka briew ka leit sha u syiem, ka dem ngon haduh khyndew ha ka jingñiewburom bad ka ong, “Ïarap ïa nga, ko Syiem Kynrad!”

2 SAMUEL 14:4 ပူးပေါင်းရင်းမြစ်များ

2 SAMUEL 1:2

ha ka balai sngi te, ha khmih, u briew u la wan mih na ka jaka shong dara u Saul uba la kad ki jaiñ jong u, bad ka khyndew halor ka khlieh jong u; te haba u la wan poi ha u Dabid, u la hap ha khyndew, bad u la nguh.

2 SAMUEL 14:22

Bad u Joab u la dem ngon la ka khmat, bad u la nguh, bad u la kyrkhu ïa u syiem. Bad u Joab u la ong, “Ha kane ka sngi, u shakri jong me u tip ba nga la shem ka jingsngewbha ha khmat jong me, ko syiem kynrad, namar ba u syiem u la leh ïa ka jingkyrpad u shakri jong u.”

2 SAMUEL 14:5

U syiem te u la ong ha ka, “Ka la jia aïu ïa pha?” Ka ruh ka la ïathuh, “Da shisha nga long ka riewkynthei, bad u tnga jong nga u la ïap.

2 SAMUEL 18:28

Te u Ahimaas u la pyrta bad u la ong ha u syiem, “Khublei.” Bad u la dem ngon la ka khmat haduh khyndew ha khmat u syiem, bad u la ong, “Long ba la kyrkhu U Trai U Blei jong me, uba la aiti noh ïa kita ki briew kiba la rah ïa la ka kti pyrshah ïa u syiem kynrad jong nga.”

1 SAMUEL 20:41

Te tang shu leit noh uta u khynnah, u Dabid u la mih noh na shaphang shathie, bad u la hap dem la ka khmat sha ka khyndew, bad u la dem nguh lai sien: bad ki la ïadoh paralok hi, bad ki la ïaïam lem, te u la kham jur u Dabid.

1 SAMUEL 25:23

Te haba ka Abigail ka la ïohi ïa u Dabid, ka la pynkloi bad ka la hiar na kata ka kadda, bad ka la hap dem la ka khmat ha khmat u Dabid, bad ka la dem ngon haduh khyndew.