2 SAMUEL 14:12 - KA BAIBL

¹² Ynda kumta, kata ka kynthei ka la ong, “Nga kyrpad ïa me, to shah ïa ka shakri jong me ban kren shikyntien ha u syiem kynrad.” U ruh u la ong, “To kren.”

Khasi CL Bible (BSI)

¹² “Sngewbha, ko Syiem Kynrad, shah ïa nga ban ong sa tang kawei,” ka briew ka ong. “To ong” u jubab.

2 SAMUEL 14:12 ပူးပေါင်းရင်းမြစ်များ

JENESIS 18:27

Bad u Abraham u la ïathuh bad u la ong, “Ha khmih mynta, nga la sngewshlur ban kren ha U Trai jong nga, la nga long tang ka 'dewmet bad ki dpei:

JENESIS 18:32

Hadien kata, u Abraham u la ong, “A ba un ym da sngewbitar U Trai jong nga, nga te ngan kren sa tang kane shi sien pat: Lehse yn shem shiphew ngut hangta?” U ruh u la ong, “Ngan ym pynjot noh ïa ka na ka bynta ki shiphew keiñ.”

JENESIS 44:18

Ynda kumta, u Judah u la kynshur hajan jong u, bad u la ong, “Ko kynrad, to shah, nga kyrpad ïa me, ïa u shakri jong me ban kren kawei ka ktien ha ki shkor u kynrad jong nga, bad to wat sngewbitar ïa la u shakri: naba me long kum u Pharaoh.

2 SAMUEL 14:11

Ynda kumta, ka la ong, “Nga kyrpad, to u syiem un kynmaw ïa U Trai uba U Blei jong me, ba u nongpynhiar kput ka snam un ym nang pynjot shuh shuh, ïoh kin pynjot noh ïa u khun jong nga.” U te u la ïathuh, “Katba im U Trai, iwei i 'ñiuh khlieh jong u khun jong pha in ym hap ha ka khyndew.”

2 SAMUEL 14:13

Te kata ka briew ka la ong, “Namar kata te balei ba me la pyrkhat kumne pyrshah ïa u paidbah jong U Blei? namar haba u syiem u kren ïa kane ka ktien u long kum uba rem, ha kaba u syiem um wallam pat sha la ïing ïa uba la beh noh jong u.

2 SAMUEL 20:17

Te u la wan hajan sha ka; bad kata ka kynthei ka la kylli, “Long ma me u Joab?” U te u la ong, “Nga long.” Hangta ka la ong ha u, “To sngap ïa ki ktien ka shakri jong me.” U ruh u la ïathuh, “Nga ïohsngew.”

1 SYIEM 2:14

U la ong te, “Nga don ei ei ban ong ha pha.” Ka te ka la ong, “To ong.”

JEREMAÏAH 12:1

Me long u bahok, A Trai, haba nga ïasaid bad me: la kumta ruh nga kwah ban ïasaid ïa kane ka kam ha me: namar balei ba ka lynti ki bymman ka man bha? Namar balei ba kita kiba ïashetkylla eh ki ïalong baroh kiba shongsuk?

KI KAM 26:1

Bad u Agrippa u la ong ha u Paul, “La shah ïa me ban kren na ka bynta ïa lade.” Ynda kumta, u Paul u la kner ïa la ka kti, bad u la ïasaid-da ïa lade:

1 SAMUEL 25:24

Bad ka la hap ha ki kjat jong u, bad ka la ong, “Ko kynrad jong nga, to kane ka pop kan long halor jong nga, halor jong nga hi keiñ: nga kyrpad ïa me, to shah ïa ka shakri jong me ba kan kren ha me, to shahshkor ruh ïa ki ktien ka shakri jong me.