2 SAMUEL 14:1 - KA BAIBL

¹ Te u Joab u khun ka Seruïah u la tip ba ka dohnud u syiem ka la phai sha u Absalom.

Khasi CL Bible (BSI)

¹ U Joab u tip ba u Syiem Dabid u kynmaw ieit haduh katta katta ïa u Absalom,

2 SAMUEL 14:1 ပူးပေါင်းရင်းမြစ်များ

2 SAMUEL 13:39

Te ka mynsiem u syiem Dabid ka la kwah eh ban leit mih sha u Absalom: naba la pyntngen ïa u namar u Amnon, haba u la lah ïap.

2 SAMUEL 14:2

Bad u Joab u la phah sha Tekoa, bad u la wallam nangta ïa kawei ka briew kaba sian, bad u la ong ha ka, “Nga kyrpad ïa pha, to leh mynleh kaba ïambriew ïa lade, bad to kup da ki jaiñ sngewsih, bad wat sleh ïa lade da ka umphniang, hynrei, to long kum ka briew kaba ïambriew la slem ïa u baïap;

2 SAMUEL 18:33

Te u syiem u la sngewsih shibun, bad u la leit kiew sha kata ka kamra halor ka khyrdop, bad u la ïam: bad katba u leit, u la ong kumne, “Ko khun jong nga Absalom, ko khun jong nga, ko khun jong nga Absalom! A ban da nga la ïap ma nga na ka bynta jong me, ko Absalom, ko khun jong nga, ko khun jong nga!”

2 SAMUEL 19:2

Bad kata ka jingjop ka la kylla jingïam ha kata ka sngi ha u paidbah baroh: naba u paidbah ha kata ka sngi u la ïohsngew ba ong, “U syiem u la sngewsih namar la u khun.”

2 SAMUEL 19:4

Hynrei, u syiem u la tap ïa la ka khmat, bad u syiem u la pyrta da ka ktien kaba jam, “Ko khun jong nga Absalom, ko Absalom, ko khun jong nga, ko khun jong nga!”

2 SAMUEL 2:18

Bad ki khun ka Seruïah lai ngut ki la don hangta, u Joab, bad u Abishai, bad u Asahel: te u Asahel u la long uba stet ki kjat jong u kat ka skei kaba ha khlaw.

1 KHRONIKL 2:16

bad ki para kynthei jong ki, ki la long ka Seruïah bad ka Abigail. Bad ki khun shynrang ka Seruïah: u Abishai, bad u Joab, bad u Asahel, lai ngut.

PROBERB 29:26

Shibun kiba wad ïa ka jingsngewbha u nongsynshar: hynrei, ka jingbishar u briew ka wan na U Trai.