2 SAMUEL 13:6 - KA BAIBL

⁶ Kumta, u Amnon u la thiah bad u la leh mynleh pang ïa lade: bad haba u syiem u la wan jngoh ïa u, u Amnon u la ong ha u syiem, “Nga kyrpad ïa me, to shah ïa ka Tamar ka para jong nga ba kan wan shet ar tylli ki kpu ha khmat jong nga, ba ngan ïoh bam na ka kti jong ka.”

Khasi CL Bible (BSI)

⁶ Kumta u Amnon u leit thiah bad u la leh mynleh kum uba pang. U Syiem Dabid u la leit jngoh ïa u, bad u Amnon u ong ha u, “Sngewbha shah ïa i Tamar ban wan bad shet katto katne ki kpu hangne ha kaba nga lah ban ïohi ïa i, bad nangta in ai bam ïa nga da ma i hi.”

2 SAMUEL 13:6 ပူးပေါင်းရင်းမြစ်များ

JENESIS 18:6

Te u Abraham u la leit jang jang sha kata ka ïingtrep ha ka Sara, u la ong ruh, “To pynkhreh noh kloi kloi lai pyrha u 'purew bani, bad to da khñiot ruh, bad to shet ïa ki kpu ha ka dpei.”

2 SAMUEL 13:5

Bad u Jonadab u la ong ha u, “To thiah keiñ ha la ka jingthiah, bad leh mynleh pang ïa lade: te haba u kpa jong me u wan jngoh ïa me, to ong ha u, ‘Nga kyrpad ïa me, to shah ïa ka Tamar ka para jong nga ba kan wan ai jingbam ïa nga, bad ban khreh jingbam ha khmat jong nga, ba ngan ïohi, bad ïoh bam ïa ka na ka kti jong ka.’ ”

2 SAMUEL 13:7

Ynda kumta, u Dabid u la phah sha ïing ha ka Tamar, u da ong, “To leit keiñ sha ka ïing u Amnon u hynmen jong pha, bad khreh jingbam ïa u.”

MATHAÏOS 13:33

U la kren ïa kawei pat ka pharshi ha ki: “Ka hima ki bneng ka long kum u thiat, ïa uba ka la shim ka kynthei, bad ka la btep ha ki lai pyrha u 'purew, tad ynda u la sieb baroh.”