2 SAMUEL 13:3 - KA BAIBL

³ Hynrei, u Amnon u la don u lok, uba kyrteng “u Jonadab”, u khun u Shimeah u hynmen u Dabid: bad u Jonadab u la long u briew u basian eh.

Khasi CL Bible (BSI)

³ Hynrei u Amnon u don uwei u paralok uba shalak bha, uba kyrteng u Jonadab, u khun jong u Shammah, u hynmen jong u Dabid.

2 SAMUEL 13:3 ပူးပေါင်းရင်းမြစ်များ

JENESIS 3:1

Te uta u bseiñ u la long uba kham sian ïa ki mrad baroh ka ryngkew ïa kiba U Trai uba U Blei u la lah thaw. Bad u la ong ha kata ka briew, “Shisha ka long kumta, ba U Blei u la ong, ‘Phin ym ïoh bam na u dieng baroh ha ka kper?’ ”

JENESIS 38:1

Ka la jia ruh ha kata ka aïom, ba u Judah u la leit hiar na la ki parakha, bad u la phai sha uwei u kynja Adullam, uba kyrteng “u Hirah”.

JENESIS 38:20

Bad u Judah u la phah lam ïa ita i khun blang da ka kti u lok jong u, uta u kynja Adullam, ba un ïoh shim pat ïa la ka synjat na ka kti jong kata ka briew: hynrei, um shem ïa ka.

2 SAMUEL 13:2

Bad u Amnon u la sngewsih katta katta ba u la pang namar ka Tamar ka para jong u; namar ka la long ka theisotti: te u Amnon um shym idon lad ban leh ei ei ïa ka.

2 SAMUEL 13:32

Te u Jonadab, u khun u Shimeah u hynmen u Dabid, u la ïathuh bad u la ong, “Wat ai ba u kynrad jong nga un tharai ba ki la pynïap ïa kita ki samla baroh kiba ki khun shynrang u syiem; naba tang u Amnon hi u la ïap: naba ïa kane la lah thew lypa da ka jingbuh u Absalom naduh kata ka sngi ba u la leh jubor ïa ka Tamar ka para jong u.

2 SAMUEL 13:4

Te u la ong ha u, “Ma me u khun u syiem, balei ba me nang raikhoh nang raikhoh ha la ka sngi? Mem ïathuh ha nga?” U Amnon te u la ïathuh ha u, “Nga ieit keiñ ïa ka Tamar, ka para u Absalom u para jong nga.”

2 SAMUEL 14:2

Bad u Joab u la phah sha Tekoa, bad u la wallam nangta ïa kawei ka briew kaba sian, bad u la ong ha ka, “Nga kyrpad ïa pha, to leh mynleh kaba ïambriew ïa lade, bad to kup da ki jaiñ sngewsih, bad wat sleh ïa lade da ka umphniang, hynrei, to long kum ka briew kaba ïambriew la slem ïa u baïap;

2 SAMUEL 21:21

Te haba u la beiñ ïa ki Israel, u Jonathan u khun u Shimei uba u para u Dabid u la pynïap ïa u.

1 KHRONIKL 2:13

bad u Jesse u la pynkha ïa u khun nyngkong jong u, u Eliab, bad ïa u Abinadab u ba-ar, bad ïa u Shimea u balai;

1 KHRONIKL 27:32

U Jonathan ruh, u kñi u Dabid u la long u myntri, u briew u bashemphang bad u nongthoh: bad u Jehiel u khun u Hakhmoni u la long lem bad ki khun syiem:

ESTHER 5:10

Pynban, u Haman u la shu kun ha lade, bad u la leit sha la ïing; bad u la phah khot ïa ki lok jong u bad ïa ka Seres ka tnga jong u.

ESTHER 5:14

Ynda kumta, ka la ong ka Seres ka tnga jong u bad ki lok jong u baroh ha u, “Ai ba yn thaw ïa ka dieng phasi kaba sanphew pruh ka jingjrong, bad ha kaba mynstep to kren ma me ha u syiem ba yn phasi ïa u Mordekai ha kata; ynda kumta, to leit shapoh, da kaba kmen ryngkat bad u syiem sha kata ka jingkhawai.” Bad kane ka la pynsngewbha ïa u Haman; bad u la phah thaw ïa ka dieng phasi.

ESTHER 6:13

Bad u Haman u la ïathuh ha ka Seres ka tnga jong u bad ha ki lok jong u baroh ïa kaei kaei baroh kaba la lah jia ïa u. Ynda kumta, ki riewstad jong u bad ka Seres ka tnga jong u ki la ong ha u, “Lada u Mordekai, uba me la sdang ban dem ha khmat jong u, u long na u symbai jong ki Jiw, men ym lah ïa u, hynrei, men hap ha khmat jong u da shisha.”

PROBERB 19:6

Shibun ki ban kyrpad ïa ka jingisynei jong uba ai kylluid: bad u briew baroh u long u lok jong uba ju ai sngewbha.

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

1 KORINTH 3:19

Namar kata ka jingstad jong kane ka pyrthei, ka long ka jingbieit ha U Blei. Namar la thoh: “U kem ïa ki bastad ha ka buit sianti jong ki hi.”

JAKOB 3:15

Kane ka jingstad kam long kata kaba wan hiar na jrong, hynrei, kaba kynja pyrthei, kaba kynja doh, kaba kynja ksuid keiñ.

NONGBISHAR 14:20

Hynrei, ïa ka tnga u Samson la ai ha u lok jong u, ïa uba u la ñiew kum la u lok.

1 SAMUEL 16:11

Bad u Samuel u la ong ïa u Jesse, “Ki khun jong me baroh tang kine?” U te u la ong, “U dang sah sa u bakhatduh, te ha khmih, u sharai ïa ki langbrot.” Bad u Samuel u la ong ha u Jesse, “To phah bad wallam ïa u: namar ngin ym ïashong tad ynda u la wan ma u shane.”

1 SAMUEL 16:9

Kumta, u Jesse u la phah ïa u Shammah ban leit. U te u la ong, “Ïa une ruh U Trai um shym la jied.”