2 SAMUEL 13:19 - KA BAIBL

¹⁹ Bad ka Tamar ka la buh da u dpei halor ka khlieh jong ka, bad ka la kad ïa kata ka jaiñkup kaba khleh rong kaba ka kup; bad ka la buh ïa la ka kti halor la ka khlieh, bad ka la leit noh, ka da lynñiar artad ha lynti.

Khasi CL Bible (BSI)

¹⁹ Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

2 SAMUEL 13:19 ပူးပေါင်းရင်းမြစ်များ

JENESIS 37:29

Te u Reuben u la wan kylla pat sha kata ka thliew um; bad ha khmih, u Joseph um don ha kata ka thliew um; te u la kad ïa la ki jaiñkup.

2 SAMUEL 1:11

Ynda kumta, u Dabid u la bat ïa la ki jaiñ, bad u la kad ïa ki; bad kumjuh uta paidbah baroh uba bad u.

2 SAMUEL 1:2

ha ka balai sngi te, ha khmih, u briew u la wan mih na ka jaka shong dara u Saul uba la kad ki jaiñ jong u, bad ka khyndew halor ka khlieh jong u; te haba u la wan poi ha u Dabid, u la hap ha khyndew, bad u la nguh.

2 SAMUEL 13:20

Bad u Absalom u hynmen jong ka u la ong ha ka, “U Amnon u hynmen jong pha u la leit sha pha? Hynrei, ko hep, to sngap jar mynta: u long u hynmen jong pha; to wat pynkhuslai la ka dohnud namar kane.” Kumta, ka Tamar ka la sah rangli ha ïing u Absalom u hynmen jong ka.

ESTHER 4:1

Te haba u Mordekai u la tip ïa kata baroh ba la leh, u Mordekai u la kad ïa la ki jaiñ, bad u la phong ïa ka jaiñ khain bad ka dpei, bad u la mih noh shapdeng kata ka nongbah, bad u la lynñiar da ka jinglynñiar kaba jam bad kaba kthang:

Ka Kitab U Job 2:12

Te haba ki la khmied ïa la ki khmat na sha jngai, bad ba kim shym la ithuh ïa u, ki la pynjam ïa la ka ktien, bad ki la ïam; bad ki la kad uwei uwei ïa la ka jaiñkup, bad ki la kynting ka 'dewmet halor la ki khlieh sha bneng.

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

JEREMAÏAH 2:37

Na u ruh phan sa mih noh, bad ki kti jong pha halor la ka khlieh: naba U Trai u la kyntait ïa ki jingshaniah jong pha, bad phan ym man bha ha ki.”

JOSHUA 7:6

Te u Joshua u la kad ïa la ki jaiñ, bad u la hap dem la ka khmat ha ka khyndew ha khmat ka synduk U Trai haduh janmiet, ma u bad ki tymmen basan ki Israel; bad ki la tep khyndew halor la ki khlieh.

1 SAMUEL 4:12

Te uwei u briew na ki Benjamin u la phet na uta u paidïapom, bad u la poi sha Sheiloh ha kata ka sngi, uba ki jaiñ jong u la pynkad, bad uba la sum khyndew ha ka khlieh.