2 SAMUEL 13:14 - KA BAIBL

¹⁴ La kumta ruh, um treh ban sngap ïa ka ktien jong ka; hynrei, ba u kham khlaiñ ïa ka, u la leh jubor ïa ka, bad u la thiah bad ka.

Khasi CL Bible (BSI)

¹⁴ Hynrei um sngap ïa ka; bad namar ba u kham khlaiñ ban ïa ka, u la jop, bad u la batbor ïa ka.

2 SAMUEL 13:14 ပူးပေါင်းရင်းမြစ်များ

JENESIS 34:2

Bad haba u Shekhem u khun u Hamor u kynja Hib, u syiem jong kata ka ri, u la ïohi ïa ka, u la shim ïa ka bad u la thiah lem bad ka, bad u la pynkheiñ burom ïa ka.

2 SAMUEL 12:11

Kumne u ong U Trai, ‘Ha khmih, ngan pynmih ïa ka jingsniew pyrshah ïa me na ka ïing jong me hi, bad ngan shim ïa ki tnga jong me ha khmat jong me, bad ngan ai ïa ki ha u paramarjan jong me, u ruh un thiah bad ki tnga jong me ha pyrshah kane ka sngi.

2 SAMUEL 13:15

Ynda kumta, u Amnon u la isih ïa ka da ka jingisih ka bakhraw eh; kumta kata ka jingisih da kaba u la isih ïa ka, ka la kham khraw ïa kata ka jingieit da kaba u la ieit ïa ka. Bad u Amnon u la ong ïa ka, “Khie noh, leit noh.”

ESTHER 7:8

Ynda kumta, u syiem u la wan phai pat na ka kata ka kper ka ïingsyiem sha kata ka jaka ka jingkhawai Waiñ; bad u Haman u la kyllon halor kata ka jingshong ha kaba ka Esther ka la don. Ynda kumta, u syiem u la ong, “Un leh bor mo ïa ka syiem ha khmat jong nga ha ïing?” Te tang shu mih noh kata ka ktien na ka shyntur u syiem, ki la tap ïa ka khmat u Haman.

LEBITIKOS 18:9

Ïa ka jinglyngkhuit ka para, ka khun u kpa jong me, lane ka khun ka kmie jong me, ïa kaba la kha ha ïing, lane ha nongwei, wat pynpaw ïa ka jinglyngkhuit jong ki.

DEUTERONOMI 27:22

“ ‘Ka jingtim ïa uta uba thiah bad ka para jong u, ka khun u kpa jong u, ne ka khun ka kmie jong u.’ Bad uta u paidlang baroh kin ïa-ong, ‘Amen.’

NONGBISHAR 20:5

Bad ki nong Gibeah ki la ïeng ïaleh ïa nga, bad ki la ker tawiar ïa ka ïing pyrshah ïa nga mynmiet; ki la mut ban pynïap ïa nga, bad ïa ka tnga kliar jong nga ki la khñiot, bad ka la ïap.