2 SAMUEL 12:9 - KA BAIBL

⁹ Balei te me la beiñ ïa ka ktien U Trai, ïa ka ban leh sniew ha khmat jong u? Ïa u Uriah u kynja Hit me la pynïap da ka waitlam, bad ïa ka tnga jong u me la shim ban long ka tnga jong me, bad me la pynïap ïa u da ka waitlam ki khun u Ammon.

Khasi CL Bible (BSI)

⁹ Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

2 SAMUEL 12:9 ပူးပေါင်းရင်းမြစ်များ

2 SAMUEL 11:4

Bad u Dabid u la phah ki nongkit-ktien, bad u la shim ïa ka; ka ruh ka la wan shapoh sha u, u ruh u la thiah bad ka; (naba la pynkhuid ïa ka na ka jingpang jong ka;) te ka la leit wan noh sha la ïing.

2 SAMUEL 12:10

Mynta te namar kata, ka waitlam kan ym iehnoh ïa ka ïing jong me lano lano ruh; namar ba me la beiñ ïa nga, bad ba me la shim ïa ka tnga u Uriah, u kynja Hit ban long ka tnga jong me.’

2 SAMUEL 16:7

Bad u Shimei haba u tim u ong kumne, “Khie leit noh me, Khie leit noh me, u briew uba bit snam, me u briew u Belial:

1 SYIEM 15:5

namar u Dabid u la leh ïa kata kaba dei ha ki khmat U Trai, bad um shym la phai noh na kaei kaei kaba U la hukum ïa u baroh ki sngi ka rta ka jingim jong u, lait sa ka kam u Uriah u nong Hit.

1 SYIEM 21:19

Bad men kren ha u da kaba ong, ‘Kumne ong U Trai, “Sha, me la pynïap, me la shimti ruh?” ’ Men kren ruh ha u, da kaba ong, ‘Kumne ong U Trai, “Ha ka jaka ha kaba ki ksew ki la jliah ïa ka snam u Naboth, ki ksew kin jliah ïa ka snam jong me, ka jong me hi keiñ.” ’ ”

2 KHRONIKL 33:6

U la pynïaid ruh ïa la ki khun lyngba ka ding ha ka them u khun u Hinnom; bad u la leh byrtong, bad u la leh myntor, bad u leh shong blei, bad u la leit sha kita kiba shong ksuid, bad sha ki nongleh byrtong: u la leh bymman shibun ha khmat U Trai, ban pynkhih bitar ïa U.

SALM 51:14

To pyllait ïa nga na ka jingbit snam, A U Blei, me U Blei ka jingpynim jong nga; te u thylliej jong nga un rwai jam shaphang ka hok jong me.

SALM 51:16

Namar me mem sngewmon ïa ka jingkñia; ne nga la ai ïa ka: mem sngewbha ïa ka jingainguh thang.

SALM 51:4

Ïa me, ïa me hi, nga la leh pop, bad nga la leh ïa kata ka basniew ha khmat jong me: ba yn lah pynksan ïa me haba me kren, bad ba men long khuid haba me bishar.

SALM 90:8

Me la buh ïa ki jingleh bymman jong ngi ha khmat jong me, ïa ki pop barieh jong ngi ha ka jingshai ka khmat jong me.

PROBERB 14:2

Uta uba ïaid ha la ka jingbeit u sheptieng ïa U Trai: hynrei, uta uba mutlop ha la ki lynti u ñiewbeiñ ïa u.

ISAÏAH 5:24

Namar kata, kumba ka thylliej ding ka bam duh ïa u jyntang kba, bad u 'langïap u nang them ha ka jingmeh ding, u thied jong ki ruh, un long kum ka jingpyut, bad ka jingphuh jong ki kan man pui pui: namar ki la kyntait ïa ka hukum U Trai ki paid, bad ki la beiñ ïa ka ktien jong U Bakhuid ki Israel.

JEREMAÏAH 18:10

lada kan leh sniew ha khmat jong nga, ba kan ym kohnguh ïa ka ktien jong nga, kumta ngan kylla-ka-bamut shaphang kata ka babha, ba nga la ong ba ngan pynbha ïa ki da kata.

AMOS 2:4

Kumne u ong U Trai: “Namar lai tylli ki jingryngkang ki Judah, shisha, namar saw tylli, ngan ym pynphai noh ïa ka jingpynshitom na ki; namar ki la kyntait noh ïa ka hukum U Trai, bad kim shym sumar ïa ki aiñ jong u, bad ki jinglamler jong ki, ki la pynsakma ïa ki, ha kiba ki kpa jong ki, ki la ju ïaid:

1 SAMUEL 15:19

Namar kata te, balei ba mem shym la kohnguh ïa ka ktien U Trai, hynrei, me la kynrup sha kata ka jinglute, bad me la leh ïa ka basniew ha khmat U Trai?”

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”

1 SAMUEL 15:26

Te u Samuel u la ong ha u Saul, “Ngan ym leit phai bad me: naba me, me la kyntait ïa ka ktien U Trai, bad U Trai ruh u la kyntait ïa me na kaba long syiem halor ki Israel.”