2 SAMUEL 12:5 - KA BAIBL

⁵ Te ka jingbitar u Dabid ka la meh lep ïa uta u briew; bad u la ong ha u Nathan, “Katba im U Trai, uta u briew uba la leh ïa kane u dei shisha ban ïap:

Khasi CL Bible (BSI)

⁵ U Dabid u bitar lep ïa u riewspah bad u ong, “Nga smai ha U Trai uba im ba u briew uba la leh ïa kane u dei ban ïap!

2 SAMUEL 12:5 ပူးပေါင်းရင်းမြစ်များ

JENESIS 38:24

Bad ka la jia ruh ynda la lai bnai, ba la ïathuh ha u Judah, da kaba ong, “Ka Tamar ka pyrsa kurim jong me ka la kam nuti; bad ha khmih, ka la punkhun ruh da kaba klim.” Ynda kumta, u Judah u la ong, “To pynmih noh ïa ka, bad to ai ba yn thang noh ïa ka.”

2 SAMUEL 12:4

Te u nongleit jingleit u la wan ha uta u bariewspah, hynrei, u la bynnud ban shim na la ki jong ki langbrot bad na la ki jong ki masi, ïa ka ban khreh na ka bynta uta u nongleit jingleit uba la wan ha u, hynrei, u shim ïa ita i khun langbrot uta u briew u baduk, bad u la khreh ïa ka na ka bynta uta u briew uba la wan ha u.”

2 SAMUEL 14:8

Te u syiem u la ong ha kata ka briew, “To khie leit sha la ïing, ngan sa pynmih hukum shaphang jong pha.”

LOUKAS 9:55

Hynrei, u la phai, bad u la sneng ïa ki, bad u la ong, “Phim tip na kaba kumno ka mynsiem phi long:

Ka Shithi U Paul Sha Ki Nong Rom 2:1

Naba kumta, me long uba khlem jingkren ksan, A u briew, la me long uei uei ruh, me uba bishar; namar ha kata hi ha kaba me bishar ïa uwei pat, me pynrem ïa lade; namar ba me uba bishar, me ïai-leh ïa kita kijuh kiei kiei ruh.

1 SAMUEL 14:39

Naba, katba im U Trai, uba pynim ïa ki Israel, la kane ka don wat ha u Jonathan u khun jong nga, da kaba ïap un ïap shisha.” Hynrei, na kita ki briew baroh ym shym don uwei uba la phai ktien ïa u.

1 SAMUEL 20:31

Namar katba une u khun u Jesse u dang im ha kane ka pyrthei, yn ym pynskhem ïa me, lymne ïa ka hima jong me. Namar kata te, to phah bad wallam ïa u sha nga, namar un ïap shisha keiñ.”

1 SAMUEL 26:16

Kane kaba me la leh kam long ka babha keiñ. Katba im U Trai, phi ki briew kiba dei hok ban ïap noh, namar ba phim shym la sumar ïa la u kynrad, uba la sleh jong U Trai keiñ. Te mynta, to khmih, hangno uta u sum jong u syiem, bad uta u khiew um uba hajan ka syngkhlieh jong u.”