2 SAMUEL 12:16 - KA BAIBL

¹⁶ U Dabid, namar kata, u la kyrpad ïa U Blei na ka bynta ita i khynnah; bad u Dabid u la shah jingit, bad u la leit, bad u la thiah ha khyndew baroh shi miet.

Khasi CL Bible (BSI)

¹⁶ U Dabid u la duwai ïa U Blei ba uta u khunlung un koit. Um treh bam ei ei, bad man ka miet u rung sha la ka kamra, bad u thiah ha madan baroh shi miet.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Te u Nathan u la leit noh sha la ïing. Bad U Trai u la shoh ïa ita i khynnah iba la kha ka tnga u Uriah ïa u Dabid, te i la pang eh.

2 SAMUEL 12:22

U te u la ïathuh, “Mynba i dang im keiñ i khynnah, nga la shah jingit bad nga la ïam: naba nga la ong, ‘Uei uba lah ban tip la un isynei ne em U Trai ïa nga, ba in ïoh im i khynnah?’

2 SAMUEL 13:31

Ynda kumta, u syiem u la ïeng, bad u la kad ïa la ki jaiñ, bad u la thiah ha ka khyndew; bad ki shakri baroh ki la ïeng hajan kiba la kad ïa la ki jaiñ.

1 SYIEM 21:27

Te ynda u Ahab u la ïohsngew ïa kita ki ktien, u la kad ïa la ki jaiñ, bad u la kup jaiñ khain ha ka doh jong u, u la shah jingit ruh, bad u la thiah ha ka jaiñ khain, bad u la ïaid jar jar.

NEHEMAÏAH 1:4

Te haba nga la ïohsngew ïa kine ki ktien, nga la shong khop bad nga la ïam, bad nga la sngewsih bun sngi, bad nga la shah jingit, bad nga la duwai ha khmat U Blei ka bneng,

ESTHER 4:16

“Khie leit, ïalum lang ïa ki Jiw baroh kiba don ha Shushan, bad to ïashah jingit na ka bynta jong nga, bad wat bam lymne dih, lai sngi, mynmiet lane mynsngi: nga ruh bad ki 'thei samla jong nga ngin ïashah jingit kumjuh; bad kumta, ngan leit shapoh sha u syiem, ka bymlong katba kum ka aiñ: bad lada ngan ïap, ai ngan ïap.”

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 69:10

Haba nga la ïam, bad nga la pynshitom ïa la ka mynsiem da ka jingshah jingit, kata ka la long ka jingkrenbeiñ ïa nga.

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

ISAÏAH 26:16

Ko Trai, ha ka jingjynjar ki la khmih ïa me, ki la theh noh ïa ka jingduwai haba ka jingsneng sympat jong me ka la long halor jong ki.

DANIEL 6:18

Ynda kumta, u syiem u la leit sha la ïing, bad u la pynleit ïa kata ka miet da kaba shah jingit: lymne ym shym la wallam jingtem ha khmat jong u: bad ka jingïohthiah ka la duh noh na u.

DANIEL 9:3

Bad nga la phai la ka khmat sha U Trai U Blei, ban wad da ka jingduwai bad ki jingkyrpad, lem bad kaba shah jingit, bad ka jaiñ byrni, bad ka dpei.

JONAH 3:9

Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

KI KAM 9:9

Te u la long lai sngi khlem imat, bad um shym la bam lymne dih.

JOSHUA 7:6

Te u Joshua u la kad ïa la ki jaiñ, bad u la hap dem la ka khmat ha ka khyndew ha khmat ka synduk U Trai haduh janmiet, ma u bad ki tymmen basan ki Israel; bad ki la tep khyndew halor la ki khlieh.