2 SAMUEL 12:11 - KA BAIBL

¹¹ Kumne u ong U Trai, ‘Ha khmih, ngan pynmih ïa ka jingsniew pyrshah ïa me na ka ïing jong me hi, bad ngan shim ïa ki tnga jong me ha khmat jong me, bad ngan ai ïa ki ha u paramarjan jong me, u ruh un thiah bad ki tnga jong me ha pyrshah kane ka sngi.

Khasi CL Bible (BSI)

¹¹ Nga smai ha me ba ngan pynlong ïa uwei na ka longïing jong me hi ban wallam jingjynjar halor jong me. Men ïohi ïa ka haba nga shim na me ïa ki tnga jong me bad ai ïa ki ha uwei pat u briew; bad un ïathiah shongkha bad ki haba dang shai ka sngi.

2 SAMUEL 12:11 ပူးပေါင်းရင်းမြစ်များ

2 SAMUEL 15:10

Hynrei, u Absalom u la phah ïa ki nongsyntiat ha ki jaid Israel baroh, da kaba ong, “Phi, tang phi shu ïohsngew ïa ka jingsawa ka ronsing, te hangta phin ong, ‘U Absalom u long syiem ha Hebron.’ ”

2 SAMUEL 15:14

Bad u Dabid u la ong ha la ki shakri baroh kiba la don lem bad u ha Jerusalem, “Ïeng, to ngin ïaphet noh; lymda kumta, ngin ym lait mano mano na u Absalom: to pynkloi ïa ka ban leit, ba ïoh un lap kyndit ïa ngi, bad wallam ka jingjynjar halor jong ngi, bad ba un pom ïa kane ka shnong da ka syrti waitlam.”

2 SAMUEL 15:6

Da kane ka rukom keiñ, u Absalom u la ju leh ïa ki Israel baroh kiba wan sha u syiem ban ïoh bishar. Kumta, u Absalom u la tuh ïa ki dohnud ki rangbah Israel.

2 SAMUEL 16:11

Bad u Dabid u la ong ha u Abishai, bad ha la ki shakri baroh, “Ha khmih, u khun jong nga, uba la mih na ka kpoh jong nga, u wad ïa ka jingim jong nga: sa katno tam te kumta une u kynja Benjamin? To iehnoh ïa u, un wat tim; naba U Trai u la hukum ïa u.

Ka Kitab U Job 31:10

ai te ba ka tnga jong nga kan tylliat ha uwei pat, bad ai ba kiwei pat kin thiah bad ka.

ESEKIEL 14:9

Bad lada la pynshoi ïa u nongïathuhlypa bad un kren ïa ka ktien, nga U Trai nga la pynshoi ïa uta u nongïathuhlypa, bad ngan kner la ka kti halor jong u, bad ngan pynduh noh ïa u napdeng ki briew jong nga ki Israel.

DEUTERONOMI 17:17

Lymne un ym ri ha lade bun ki tnga, ba ka dohnud jong u kan ym bakla noh: lymne un ym kynshew eh ïa ka rupa bad ïa ka ksiar ha lade.

DEUTERONOMI 28:30

Men ïatehktien ka tnga, te uwei pat un ïoh thiah bad ka: men tei ïa ka ïing, te men ym ïoh shongneh ha ka: men thung ïa ka brisoh, te men ym ïoh lum ïa ki soh jong ka.