2 SAMUEL 11:2 - KA BAIBL

² Ka la jia te ha kawei ka janmiet, ba u Dabid u la khie na la ka jingthiah bad u la ïaid kai hajrong ïing ka ïing u syiem: bad na jrong ïing, u la ïohi ïa ka kynthei ba ka da sum; te kata ka kynthei ka la long kaba bhabriew eh ban khmih ïa ka.

Khasi CL Bible (BSI)

² Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

2 SAMUEL 11:2 ပူးပေါင်းရင်းမြစ်များ

JENESIS 12:11

Ka la jia ruh, haba u la poi jan ban leit bsut ha ka ri Ijipt, ba u la ong ha ka Sarai ka tnga jong u, “Ha khmih mynta, nga tip ba pha long kaba ibhabriew ban khmih:

JENESIS 3:6

Te haba kata ka briew ka la ïohi ba uta u dieng u la long u babha ban bam, bad uba itynnad ïa ki khmat, bad u dieng uba bit ïa ka ban pynstad, ka la shim na u soh jong u, bad ka la bam ruh, bad ka la ai lem ruh de ha la u tnga; u ruh u la bam.

JENESIS 34:2

Bad haba u Shekhem u khun u Hamor u kynja Hib, u syiem jong kata ka ri, u la ïohi ïa ka, u la shim ïa ka bad u la thiah lem bad ka, bad u la pynkheiñ burom ïa ka.

JENESIS 39:6

Te u la iehnoh ïa kiei kiei baroh katba u la don hapoh ka kti u Joseph; bad um shym la tip shaphang kaei kaei ruh ba u la don, hynrei, tang ïa ka jingbam ïa kaba u la ju bam. U Joseph u la long ruh uba ibhabriew eh.

JENESIS 6:2

ba ki khun shynrang U Blei ki la ïohi ïa ki khun kynthei ki jong ki briew ba ki bhabriew; bad ki la shim ki tnga ïa lade na kat kiba ki la ïa-ibha.

2 SAMUEL 13:1

Te hadien kane, u Absalom u khun u Dabid u la don ka para kaba bhabriew, kaba kyrteng “ka Tamar”: bad u Amnon u khun u Dabid u la ieit ïa ka.

2 SAMUEL 14:27

Te ïa u Absalom la kha lai ngut ki khun shynrang, bad kawei ka kynthei, kaba kyrteng “ka Tamar”: ka la long ka kynthei kaba bhabriew.

2 SAMUEL 4:5

Te kine ki khun u Rimmon u nong Beeroth, u Rekhab bad u Baanah, ki la leit, bad ki la poi sha ka ïing u Ishbosheth hamar kaba la shit ka sngi, haba u dang thiah kai ha kaba shiteng sngi.

2 SAMUEL 4:7

Naba u dang thiah ha la ka jingthiah ha ka kamra thiah jong u, haba ki la rung shapoh ïing, bad ki la shoh pynïap ïa u, bad ki la khrai ïa ka khlieh jong u, bad ki la shim ïa kata ka khlieh, bad ki la ïaid ïa kata ka madan baroh shi miet.

Ka Kitab U Job 31:1

“Nga la pynlong jutang bad la ki khmat; kumno te ngan leit khmih ïa ka samla?

SALM 119:37

To pynphai noh ïa ki khmat jong nga na kaba khmih ïa ka jingthala, bad pynim ïa nga ha ki lynti jong me.

PROBERB 19:15

Ka jingalhia ka pynïohthiah lyngngai; bad ka mynsiem kaba jaipdeh kan shah thngan.

PROBERB 31:30

Ka jingitynnad ka long ka jingshukor, bad ka jingbhabriew ka long kaba thala: hynrei, ka kynthei kaba sheptieng ïa U Trai, kata ka ban ïoh ïaroh.

PROBERB 6:25

Wat ikwah ïa ka jingbhabriew jong ka ha la ka dohnud; lymne wat shah ba kan pynngat ïa me da la ki irmat.

PROBERB 7:8

ba u da ïaid na ka lynti shnong hajan ka dong jong ka, bad u la leit lynti sha ka ïing jong ka;

JEREMAÏAH 19:13

bad ki ïing ka Jerusalem, bad ki ïing ki syiem ka Judah, ïa kiba la pyntngit, kin long kum ka jaka Tophet, kita ki ïing baroh keiñ kiba halor jrong jong ki, ki la thang ka jingiwbih ha u paidbah bneng baroh, bad ki la theh noh ki jingainguh dih ïa kiwei pat ki blei.”

MATHAÏOS 10:27

Ïa kaba nga ong ha phi ha ka ba-dum, to ïathuh ha ka bashai: bad ïa kaba phi ïohsngew da ka shkor, to phin ïalap nalor ïing.

MATHAÏOS 24:17

Jar uba halor ïing, wat ai un hiar ban shim ei ei ruh na ka ïing jong u.

MATHAÏOS 5:28

hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud.

KI KAM 10:9

Te kum lashai, katba kita ki dang ha lynti, bad ba ki la poi hajan kata ka shnong, u Petros u la leit kiew shalor ïing ban duwai, hamar kaba hynriew baje.

DEUTERONOMI 22:8

“Haba me tei ka ïing thymmai, to buh ïa ka jingker baroh sawdong ïa ka jingsop jong me, ba men ym pynwan ïa ka snam halor la ka ïing, haba da hap mano mano nangta.

DEUTERONOMI 5:21

“ ‘Lymne men ym ikwah ïa ka tnga u paramarjan jong me; lymne men ym ikwah ïa ka ïing u paramarjan jong me, lymne ïa ka lyngkha jong u, lymne ïa u mraw jong u, lymne ïa ka mraw jong u, lymne ïa u masi jong u, lymne ïa ka kadda jong u, lymne ïa kaei kaei ruh kaba dei ka jong u paramarjan jong me.’

1 PETROS 4:7

Hynrei, kata ka bakut kiei kiei baroh ka la jan keiñ; namar kata, to phin khan adkar, bad to phin sharai shaphang ki jingduwai.

1 ÏOANNIS 2:16

Naba baroh kaba ha kata ka pyrthei, ka jingkwah brai jong ka doh, bad ka jingkwah brai jong ki khmat, bad ka jingsarong thala shaphang ka jingim, kam long na U Kpa, hynrei, na kata ka pyrthei ka long.

1 SAMUEL 9:25

Te haba ki la ïawan hiar sha shnong na kata ka jaka jrong, u la ïakren bad u Saul halor ïing.