2 SAMUEL 11:11 - KA BAIBL

¹¹ Bad u Uriah u la ong ha u Dabid, “Kata ka Synduk ka Jutang, bad ki Israel, bad ki Judah, ki ïashong ha ka ïingtrep; bad u kynrad jong nga u Joab, bad ki shakri u kynrad jong nga, ki ïashong dara shabar ha madan; nga kumno ngan leit sha la ïing, ban bam bad ban dih, bad ban thiah bad la ka tnga? Katba me im, bad katba ka im ka mynsiem jong me, ngan ym leh kum ïa kane ka kam.”

Khasi CL Bible (BSI)

¹¹ U Uriah u jubab, “Ki rangbah Israel bad Judah ki don jngai ha ka thma, bad ka Synduk ka Jutang ka don bad ki; u Joab u rangbah nongai hukum ïa nga bad ki rangbah pynïaidkam jong u ki ïasah ha madan. Kumno nga lah ban shu leit sha ïing, ban bam ban dih, bad ban thiah bad la ka tnga? Ka long kaba kyntang ïa nga, nga smai ba ngan ym leh ïa kaba kum kata ka kam!”

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Te haba ki la ïathuh ha u Dabid, da kaba ong, “U Uriah um shym leit hiar sha la ïing,” u Dabid u la ong ha u Uriah, “Balei, mem shym wan na la ka jingleit? Hato kumno ba mem shym leit hiar sha la ïing?”

2 SAMUEL 14:19

Bad u syiem u la ong, “Ka kti u Joab ka don lem ne em bad pha ha kane baroh?” Te kata ka kynthei ka la ïathuh bad ka la ong, “Katba im ka mynsiem jong me, ko syiem kynrad, ym lah ban phai sha kamon lymne sha kadiang na kiei kiei baroh ba u syiem kynrad u la ong: naba u shakri jong me u Joab u la hukum ïa nga, bad u la buh ma u ïa kine ki ktien baroh ha ka shyntur ka shakri jong me:

2 SAMUEL 20:6

Te u Dabid u la ong ha u Abishai, “Une u Sheba u khun u Bikhri un kham pynsniew ïa ngi ban ïa kaba u la leh u Absalom: to shim ma me ïa ki shakri u kynrad jong me, bad to beh nadien jong u, ïoh ba un ïoh ïa ki shnong ba la ker kynroh, bad un lait noh na ngi.”

2 SAMUEL 7:2

u syiem u la ong ha u Nathan u nongïathuhlypa, “Ha khmih mynta, nga, nga shong ha ka ïing dieng Kedar, hynrei, ka synduk U Blei ka shong hapoh ki jaiñ.”

2 SAMUEL 7:6

Namar ngam shym shong ha ka ïing naduh kata ka sngi ba nga la wallam artet ïa ki khun Israel na ka ri Ijipt, haduh kane ka sngi, hynrei, nga la ïaid ha ka ïingjaiñ bad ïa Ka Tabernakl.

JINGKHEIÑ 32:6

Te u Moses u la ong ha ki khun u Gad, bad ha ki khun u Reuben, “Haba ki para jong phi kin ïaleit ïaleh thma, ma phi te phin ïashong hangne mo?

ÏOANNIS 13:14

Namar kata, lada ma nga, uba U Trai bad U Nonghikai, nga la sait ïa ki kjat jong phi, ka dei ïa phi ruh ban ïasait ïa ki kjat paralok hi.

2 TIMOTHI 2:12

lada ngi ïaishah, ngin ïasynshar ruh lem bad u; lada ngin len ïa u, u ruh un len ïa ngi:

1 SAMUEL 1:26

Te ka la ong, “Ko kynrad, katba ka im ka mynsiem jong me, ko kynrad, nga long kata ka briew kaba la ïeng hangne hajan jong me, nga da duwai ha U Trai.

1 SAMUEL 14:18

Bad u Saul u la ong ha u Ahijah, “To wallam shane ïa ka synduk U Blei,” namar ka synduk U Blei ka la don bad ki khun Israel ha kata ka por.

1 SAMUEL 17:55

Te haba u Saul u la ïohi ïa u Dabid ba u da leit mih ban ïaleh bad uta u Philistia, u la kylli ïa u Abner u nongïalam u paidïapom, “Une u samla u khun jongno, ko Abner?” Te u Abner u la ïathuh, “Katba ka im ka mynsiem jong me, ko syiem, ngam tip.”

1 SAMUEL 20:3

Te u Dabid u la smai de, bad u la ong, “U kpa jong me u tip bha ba nga la shem kaba sngewbha ha khmat jong me; bad u ong, ‘Wat ai ba u Jonathan un ïoh tip ïa kane, ïoh pynsngewsih ïa u;’ da shisha katba im U Trai, bad katba im ka mynsiem jong me ruh, ka don tang kum shi sien-jam hapdeng jong nga bad ka jingïap.”

1 SAMUEL 25:26

Mynta te, ko kynrad jong nga, katba im U Trai, bad katba im ka mynsiem jong me, namar ba U Trai u la khang ïa me ban ym pynmih snam, bad ban ym pynhiar kput da la ka jong ka kti, to ai te ïa ki nongshun jong me, bad kita kiba thew ïa ka basniew ïa u kynrad jong nga, ba kin long kum une u Nabal.

1 SAMUEL 4:4

Kumta, u paidbah u la phah sha Sheiloh, bad ki la wallam nangta ïa kata ka synduk ka jutang jong U Trai ki paid, uba shong hapdeng kita ki Kherub: te ki khun u Eli ar ngut, u Hophni bad u Phinehas keiñ, ki la don lem hangta bad ka synduk ka jutang U Blei.