2 SAMUEL 10:8 - KA BAIBL

⁸ Bad ki khun u Ammon ki la lah ïamih noh, bad ki la ïabuh ryntih ïa ka jingïaleh ha khmat ka khyrdop: te ki Syria kiba na Sobah, bad na Rehob, bad ki nong Tob, bad ki nong Maakah, ki la long kyrpang hi ha ka lyngkha.

Khasi CL Bible (BSI)

⁸ Ki Ammon ki la wan mih bad ki ïeng pynkhreh ïaleh ha ka jaka rung sha Rabbah, ka nongbah jong ki, katba kiwei pat, ki Syria bad ki rangbah na Tob bad Maakah, ki la ïeng pynkhreh ïaleh ha rudnong bym don jingkah ei ei.

2 SAMUEL 10:8 ပူးပေါင်းရင်းမြစ်များ

2 SAMUEL 10:6

Te haba ki khun u Ammon ki la ïohi ba u Dabid u la isih ïa ki, ki khun u Ammon ki la phah wer ïa ki Syria na Beth-rehob, bad ïa ki Syria na Sobah arphew hajar kiba ïaleh na tbian, bad ïa u syiem ka Maakah shi hajar ki briew, bad ïa ki nong Tob khat-ar hajar ki briew.

2 SAMUEL 10:7

Bad haba u Dabid u la ïohsngew, u la phah ïa u Joab, bad baroh u paidïapom ki rangbah badonbor.

2 SAMUEL 10:9

Haba u Joab u la ïohi ba ka thma ka la long pyrshah ïa u na shakhmat bad na shadien, u la jied na kita kiba la kynsai jong ki Israel baroh, bad u la buh ryntih ïa ki ban ïaleh ïa ki Syria:

2 SAMUEL 23:34

u Eliphelet u khun u Ahasbai, u khun u kynja Maakath, u Eliam u khun u Ahithophel u nong Gilon;

1 SYIEM 11:24

te u la ïalum briew ha u, bad u la long u kaptan halor u paidbah, mynba u Dabid u la pynïap ïa kita na Sobah: te ki la leit sha Damaskos, bad ki la shong hangta, bad ki la synshar ha Damaskos.

1 KHRONIKL 19:7

Kumta, ki la wer ïa ki laiphew ar hajar ki kali ïapom, bad ïa u syiem ka Maakah bad ki briew jong u; uba la wan bad u la sher dara ha khmat ka Madeba. Bad ki khun u Ammon ki la ïalum lang na ki nongbah jong ki, bad ki la wan ban ïaleh thma.

1 KHRONIKL 19:9

Bad ki khun u Ammon ki la mih noh, bad ki la ïabuh ryntih ïa ka thma ha ka khyrdop jong ka nongbah: bad ki syiem kiba la wan ki la long kyrpang hi ha madan.

JEREMAÏAH 40:8

ynda kumta, ki la ïawan sha u Gedalaïah sha Mispah, u Ishmael u khun u Nethaniah, bad u Johanan bad u Jonathan ki khun u Kariah, bad u Seriah u khun u Tanhumeth, bad ki khun u Ephai u nong Netophath, bad u Jesaniah u khun nong Maakath keiñ, ma ki bad ki briew jong ki.

JINGKHEIÑ 13:21

Kumta te ki la ïaleit kiew, bad ki la ïakhmih syntiat ïa kata ka ri, naduh ka ri khlaw Sin haduh Rehob, ha ka lynti kaba leit sha Hamath.

JOSHUA 19:28

bad ka Ebron, bad ka Rehob, bad ka Hammon, bad ka Kanah, haduh ka Sidon bah;

NONGBISHAR 1:31

Ki Asher ruh kim shym la beh noh ïa ki nong Akko, lymne ïa ki nong Sidon, lymne ïa ki nong Ahlab, lymne ïa ki nong Akhsib, lymne ïa ki nong Helbah, lymne ïa ki nong Aphik, lymne ïa ki nong Rehob:

NONGBISHAR 11:3

Kumta te u Jephthah u la phet noh na khmat ki hynmen hynbew jong u, bad u la shong ha ka ri Tob: te ki la ïalang ki 'riewthala ha u Jephthah, bad ki la ïaleit mih noh lem bad u.

NONGBISHAR 11:5

Te haba ki khun u Ammon ki la pynlong thma ïa ki Israel, ki rangbah Gilead ki la leit shaw ïa u Jephthah na ka ri Tob: