2 SAMUEL 10:6 - KA BAIBL

⁶ Te haba ki khun u Ammon ki la ïohi ba u Dabid u la isih ïa ki, ki khun u Ammon ki la phah wer ïa ki Syria na Beth-rehob, bad ïa ki Syria na Sobah arphew hajar kiba ïaleh na tbian, bad ïa u syiem ka Maakah shi hajar ki briew, bad ïa ki nong Tob khat-ar hajar ki briew.

Khasi CL Bible (BSI)

⁶ Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

2 SAMUEL 10:6 ပူးပေါင်းရင်းမြစ်များ

JENESIS 34:30

Ynda kumta, u Jakob u la ong ha u Simeon bad ha u Lebi, “Phi la pynshitom ïa nga da kaba phi la pynlong ïa nga uba ijli hapdeng ki trai-shnong jong kane ka ri, hapdeng ki kynja Kanaan bad ki kynja Peris keiñ: bad haba nga ruh nga long uba khyndiat briew, kin ïalang lem ban ïaleh ïa nga, bad kin pynïap noh ïa nga; kumta ïa nga yn sa pynjot noh; ma nga bad ka ïing jong nga.”

2 SAMUEL 10:5

Haba la ïathuh ïa kane ha u Dabid, u la phah tan ïa ki; naba kita ki briew ki la lehrain eh. Bad u syiem u la ong, “To sah ha Jerikho haduh ba ki la san ki 'ñiuh tmoh jong phi, hadien kata te, sa wan phai noh.”

2 SAMUEL 10:7

Bad haba u Dabid u la ïohsngew, u la phah ïa u Joab, bad baroh u paidïapom ki rangbah badonbor.

2 SAMUEL 16:21

Bad u Ahithophel u la ïathuh ha u Absalom, “To leit bsut ha kita ki tnga kliar jong u kpa jong me, ïa kiba u la pynsah ban sumar ïing; te ki Israel baroh kin ïohsngew ba u kpa jong me u la isaitmet ïa me: hangta yn pynkhlaiñ ïa ki kti jong kine baroh kiba ryngkat bad me.”

2 SAMUEL 23:34

u Eliphelet u khun u Ahasbai, u khun u kynja Maakath, u Eliam u khun u Ahithophel u nong Gilon;

2 SAMUEL 8:12

kaba na ki Syria, bad na ki Moab, bad na ki khun u Ammon, bad na ki Philistia, bad na ki Amalek, bad na kata ka jinglute kaba na u Hadadeser, u khun u Rehob, u syiem ka Sobah.

2 SAMUEL 8:3

U Dabid u la shoh ruh ïa u Hadadeser u khun u Rehob, u syiem ka Sobah, mynba u dang leit ïa ka ban knieh noh ïa la ka hima hajan ka Wah Ïuphratis.

2 SAMUEL 8:5

Bad haba ki Syria kiba na Damaskos ki la ïawan ban ïarap ïa u Hadadeser u syiem ka Sobah, u Dabid u la pynïap na ki Syria, arphew ar hajar ki rangbah.

1 SYIEM 11:24

te u la ïalum briew ha u, bad u la long u kaptan halor u paidbah, mynba u Dabid u la pynïap ïa kita na Sobah: te ki la leit sha Damaskos, bad ki la shong hangta, bad ki la synshar ha Damaskos.

2 SYIEM 7:6

Naba U Trai u la pynïohsngew ïa ki paidïapom ki Syria ïa ka jingsawa ki kali, bad ka jingsawa ki kulai, ka jingsawa u paidïapom uba shibun eh keiñ: bad ki la ïa-ong paralok hi, “Ha khmih, u syiem ki Israel u la ïawer ban ïaleh ïa ngi ïa ki syiem ki Hit, bad ïa ki syiem ki Ijipt, ban ïawan hiar thma sha ngi.”

SALM 48:4

Naba ha khmih, ki syiem ki la ïalum, ki ïaïaid lait lang.

EKSODOS 5:21

bad ki la ong ha ki, “To U Trai un khmih ha phi, bad un bishar de; namar phi la pynlong ïa ngi ban iwkhong ha khmat u Pharaoh, bad ha khmat ki shakri jong u, ba phi la ai ka waitlam ha ka kti jong ki ban pynïap ïa ngi.”

PROBERB 25:8

Wat leit mih kyrkieh ban ïaleh, ïoh ba mem tip kumno ban leh ha ka bakut jong ka, haba u paramarjan jong me u la pynlehrain ïa me.

JEREMAÏAH 40:8

ynda kumta, ki la ïawan sha u Gedalaïah sha Mispah, u Ishmael u khun u Nethaniah, bad u Johanan bad u Jonathan ki khun u Kariah, bad u Seriah u khun u Tanhumeth, bad ki khun u Ephai u nong Netophath, bad u Jesaniah u khun nong Maakath keiñ, ma ki bad ki briew jong ki.

JEREMAÏAH 46:21

Ki nongbylla jong ka ruh kiba hapdeng jong ka ki long kum ki khun masi kiba ha sem; namar ki ruh ki la ïakylla da dien, ki la phet lang noh baroh, kim shym la ïeng: namar ka sngi ka jingjynjar jong ki ka la lap ïa ki, ka por ka jingwan-i jong ki keiñ.

DEUTERONOMI 3:14

U Jair u khun u Manasseh, u la shim ïa ka ri Argob baroh, haduh ki phang ki Geshur bad ki Maakath; bad u la khot kyrteng ïa ki, ha la ka jong ka kyrteng, “ka Bashan Haboth-jair”, haduh kane ka sngi keiñ.)

NONGBISHAR 11:3

Kumta te u Jephthah u la phet noh na khmat ki hynmen hynbew jong u, bad u la shong ha ka ri Tob: te ki la ïalang ki 'riewthala ha u Jephthah, bad ki la ïaleit mih noh lem bad u.

NONGBISHAR 11:5

Te haba ki khun u Ammon ki la pynlong thma ïa ki Israel, ki rangbah Gilead ki la leit shaw ïa u Jephthah na ka ri Tob:

NONGBISHAR 18:28

Te ym shym la don u nongpyllait, namar ka la jngai na Sidon, bad kim ju ïadonkam badno badno ruh; te ka la long ha ka them kaba don hajan Beth-rehob. Ki la tei ruh ïa kata ka shnong, bad ki la shong hangta.

1 SAMUEL 13:4

Bad ki Israel baroh ki la ïohsngew ïa kaba ong ba u Saul u la pom ïa ka karod ki Philistia, bad ba ki Philistia ki la isih ïa ki Israel. Te ki paidbah ki la ïalum lang ban leit bud ïa u Saul sha Gilgal.

1 SAMUEL 27:12

Bad u Akhish u la ngeit ïa u Dabid, u da ong, “U la pyniwkhong ïa lade ha la ki jong ki briew ki Israel; namar kata, un long u shakri jong nga junom.”