2 SAMUEL 10:4 - KA BAIBL

⁴ Kumta, u Hanun u la shim ïa ki shakri u Dabid, bad u la khi mar shiliang na ki 'ñiuh tmoh jong ki, bad u la ot marshiteng ïa ki jaiñ jong ki, haduh ki skhep jong ki, bad u la phah noh ïa ki.

Khasi CL Bible (BSI)

⁴ U Hanun u la kem ïa ki nonglamktien jong u Dabid, u la khi shiliang ïa u 'ñiuhtmoh jong ki, u khap ïa ki jaiñ jong ki na mar skhep, bad u la phah noh ïa ki.

2 SAMUEL 10:4 ပူးပေါင်းရင်းမြစ်များ

2 SAMUEL 10:5

Haba la ïathuh ïa kane ha u Dabid, u la phah tan ïa ki; naba kita ki briew ki la lehrain eh. Bad u syiem u la ong, “To sah ha Jerikho haduh ba ki la san ki 'ñiuh tmoh jong phi, hadien kata te, sa wan phai noh.”

ISAÏAH 15:2

U la leit kiew sha Baith, bad sha Dibon, sha ki jaka bajrong ban ïambriew: ka Moab ka lynñiar namar ka Nebo, bad namar ka Medeba: ha ki khlieh jong ki baroh don ka jinglyndum, ïa u 'ñiuh tmoh baroh la khi noh.

ISAÏAH 20:4

kumta ruh, u syiem ka Assyria un ïalam noh ïa ki khun kliarwait ka Ijipt, bad ki mraw ka Ethiopia, ki samla bad ki tymmen, lyngkhuit bad khlem juti, bad lyndor ruh, ban long ka jinglehrain ïa ka Ijipt.

JEREMAÏAH 41:5

don kiba la wan na Shekhem, na Sheiloh, bad na Samaria, phraphew ngut ki briew keiñ, kiba la khi ïa la ki 'ñiuh tmoh bad kiba la kad la ki jaiñ, bad kiba la tar ïa lade, bad ki jingainguh bam bad ka jingiwbih ha ki kti jong ki, ban wallam ïa ki sha ka ïing U Trai.

LEBITIKOS 19:27

Wat khi pyllun ïa u 'ñiuh khlieh jong phi, bad wat khap ïa ki dong ki 'main ker jong phi.