2 SAMUEL 10:19 - KA BAIBL

¹⁹ Te haba kita ki syiem baroh kiba la long ki shakri ïa u Hadareser ki la ïohi ba la pynïap ïa ki ha khmat ki Israel, ki la ïasuk noh bad ki Israel, bad ki la shakri ïa ki. Kumta, ki Syria ki la sheptieng ban ïarap shuh ïa ki khun u Ammon.

Khasi CL Bible (BSI)

¹⁹ Haba ki syiem kiba shah synshar ha u Hadadeser ki sngewthuh ba ki la shahjop ha ki Israel, ki la pynlong ka jingïasuk bad ki bad ki kylla long ki raïot jong ki. Bad ki Syria ki la sheptieng ban ïarap biang ïa ki Ammon.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

U Dabid u la shoh ruh ïa u Hadadeser u khun u Rehob, u syiem ka Sobah, mynba u dang leit ïa ka ban knieh noh ïa la ka hima hajan ka Wah Ïuphratis.

2 SAMUEL 8:6

Hangta u Dabid u la buh ïa ki karod ha Syria jong ka Damaskos: te kita ki Syria ki la long ki khun kliarwait ha u Dabid, bad kiba ai khrong. Bad U Trai u la ai ka jingjop ïa u Dabid kat shaba u la leit.

1 SYIEM 20:1

Te u Benhadad u syiem ka Syria u la ïalum lang ïa u paidïapom jong u baroh: bad la don lem bad u laiphew ar ki syiem, bad ki kulai bad ki kali: te haba u la leit kiew u la ker kut ïa ka Samaria, bad u la ïaleh thma ïa ka.

1 KHRONIKL 19:19

Bad haba ki shakri u Hadareser ki la ïohi ba la jop ïa ki ha khmat ki Israel, ki la ïasuk bad u Dabid, bad ki la shakri ïa u: ki Syria kim treh shuh ban ïarap ïa ki khun u Ammon.

ISAÏAH 26:11

Ko Trai, ïa ka kti jong me la kyntiew, pynban, kim ïohi: hynrei, kin sa ïohi ïa ka jingshitrhem jong me ïa u paidlang, bad yn pynlehrain ïa ki; shisha keiñ, ka ding kan bam duh ïa ki nongshun jong me.

DANIEL 2:37

Me, ko syiem, me long u syiem ki syiem, ha uba U Blei ka bneng u la ai ka hima, ka bor, bad ka jingkhlaiñ, bad ka burom;

JOSHUA 11:10

Bad u Joshua u la phai noh ha kata por, bad u la jop ïa ka Hasor, bad u la pom ïa u syiem jong ka da ka waitlam: namar ka Hasor mynshuwa ka la long ha khlieh kita ki hima baroh.

JINGPYNPAW 18:10

haba ki ïeng na sha jngai namar kata ka jingsheptieng ïa ka jingkordit jong ka, ki da ïa-ong, “Kordit, kordit, kata ka nongbah ka bakhraw, ka Babilon, kata ka nongbah kaba don bor! naba ha kaba shi por ka la poi kata ka jingshitom jong pha.”

NONGBISHAR 1:7

U Adoni-besek te u la ong, “Hynñiewphew ki syiem, ba la ot noh ïa ki 'ti kmie bad ïa ki 'jat kmie jong ki, ki la ju khar ïa la ka jingbam hapoh ka miej jong nga: kumba nga la leh, kumta U Blei u la leh kylliang ïa nga.” Te ki la wallam ïa u sha Jerusalem, bad hangta u la ïap.