2 SAMUEL 10:12 - KA BAIBL

¹² To long shlur, bad ngin leh rangbah na ka bynta u paidbah jong ngi; bad na ka bynta ki nongbah U Blei jong ngi: bad U Trai to un leh katba u ibit hi.”

Khasi CL Bible (BSI)

¹² To long kiba khlaiñ bad kiba shlur! To ngin ïaleh tyngeh na ka bynta ki briew jong ngi bad na ka bynta ki nongbah jong U Blei jong ngi. Bad ai ba yn leh ïa ka mon U Trai!”

2 SAMUEL 10:12 ပူးပေါင်းရင်းမြစ်များ

2 SAMUEL 10:11

Bad u la ong, “Lada ki Syria kin lah ïa nga, ma me to men ïarap ïa nga: hynrei, lada ki khun u Ammon kin lah ïa me, te nga ngan wan ïarap ïa me.

2 SAMUEL 15:26

hynrei, lada un ong kumne, ‘Ïa me ngam sngewbha shuh’; ha khmih, nga hangne, to un leh ïa nga katba u ibit ma u.”

1 KHRONIKL 19:13

To long shlur, to ngin leh rangbah na ka bynta la ki briew, bad na ka bynta ki nongbah U Blei jong ngi: bad U Trai un leh ïa kata kaba u idei.”

2 KHRONIKL 32:7

“To long kiba shynrang bad kiba shlur, wat sheptieng lymne wat khaw-eit namar u syiem ka Assyria, lymne namar u paidbah baroh uba don bad u: namar don uba kham khraw bad ngi ban ïa kaba bad u:

NEHEMAÏAH 4:14

Bad nga la khmih, bad nga la ïeng joit, bad nga la ong ha ki bakhraw batri, bad ha ki nongsynshar, bad ha kita kiwei pat na u paidlang, “Wat sheptieng ïa ki: kynmaw ïa U Trai, uba long u bakhraw bad ba-itieng, ban ïaleh na ka bynta la ki para, la ki khun shynrang bad la ki khun kynthei, la ki tnga bad la ki ïing.”

NEHEMAÏAH 4:8

bad baroh ki la ïasylla lang ban wan ïaleh ïa ka Jerusalem, bad ban pynkulmar ïa ka.

ESTHER 4:16

“Khie leit, ïalum lang ïa ki Jiw baroh kiba don ha Shushan, bad to ïashah jingit na ka bynta jong nga, bad wat bam lymne dih, lai sngi, mynmiet lane mynsngi: nga ruh bad ki 'thei samla jong nga ngin ïashah jingit kumjuh; bad kumta, ngan leit shapoh sha u syiem, ka bymlong katba kum ka aiñ: bad lada ngan ïap, ai ngan ïap.”

Ka Kitab U Job 1:21

bad u la ong, “Lyngkhuit nga la mih na ka kpoh ka kmie jong nga, bad lyngkhuit ngan phai pat shata: U Trai u la ai, bad U Trai u la shim noh; long ba la kyrkhu ïa ka kyrteng U Trai.”

JINGKHEIÑ 13:20

bad ïa ka khyndew ruh, la kaba don sboh, ne kaba lyngki, la ki don ki dieng ha ka ne em. To long phi ki bashlur, to wallam ruh na ki soh jong kata ka ri.” Te kata ka aïom ka la long ka aïom soh nyngkong ki dieng soh Waiñ.

1 KORINTH 16:13

To da sharai phi, to da ïeng skhem phi ha ka jingngeit, to da leh shlur ïa lade phi kum ki rangbah, to da pynkhlaiñ ïa lade phi.

DEUTERONOMI 31:6

To long kiba khlaiñ bad kiba shlur, wat sngewkyiuh, lymne wat sheptieng ïa ki: namar U Trai uba U Blei jong me, ma u hi u leit ryngkat bad me; un ym iehnoh ïa me, lymne kyntait noh ïa me.”

DEUTERONOMI 31:7

Te u Moses u la khot ïa u Joshua, bad u la ong ha u ha khmat ki Israel baroh, “To long uba khlaiñ bad uba shlur: naba men leit ryngkat bad une u paidbah sha kata ka ri ïa kaba U Trai u la smai ha ki kpa jong ki ban ai ha ki; te men pynshong ïa ki ha ka.

HEBRU 11:33

kiba, da ka jingngeit, ki la jop noh ïa ki hima, ki la leh ïa ka hok, ki la ïoh ïa ki jingkular, ki la set ïa ka shyntur ki sing,

HEBRU 13:6

Ba kumta, da ka jingsngewshlur bha ngi ong, “U Trai u long u nongïarap jong nga, ngan ym sheptieng: u briew un leh aïu ïa nga?”

JOSHUA 1:18

Jar uba ïaleh pyrshah ïa ka hukum jong me, bad u ban ym sngap ïa ki ktien jong me ha baroh ba me hukum ïa u, yn pynïap ïa uta: tang ba men long khlaiñ bad shlur bha.”

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

NONGBISHAR 10:15

Ki khun Israel te ki la ong ha U Trai, “Ngi la leh pop: to leh ïa ngi ïa kaei kaei ruh katba me ibit; ngi duwai ïa me, tang ba men pyllait ïa ngi ha kane ka sngi.”

1 SAMUEL 14:12

Bad kita ki briew kiba na kata ka karod ki la ïathuh ha u Jonathan bad ha uta uba rah ïa ki atiar jong u, bad ki la ong, “Wan kiew artet sha ngi, te ngin pyni ei ei ha phi.” Bad u Jonathan u la ong ha la u nongrah atiar, “Ale, bud ïa nga artet: namar U Trai u la aiti noh ïa ki ha ka kti ki Israel.”

1 SAMUEL 14:6

Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”

1 SAMUEL 17:32

Te u Dabid u la ong ha u Saul, “Wat ai ba kan khaw-eit ka dohnud jongno jongno ruh namar uta: u shakri jong me un leit bad un ïaleh bad une u Philistia.”

1 SAMUEL 3:18

Te u Samuel u la ïathuh ha u ïa kiei kiei baroh, bad um shym la buhrieh ei ei ruh na u. U te u la ong, “U long U Trai; to un leh ïa kaba u hi u sngewbha.”

1 SAMUEL 4:9

To pynïaw phi ïa lade, to long rangbah, ko phi ki Philistia, ïoh phin long shakri ïa kine ki Hebru, kumba ma ki, ki la shakri ïa phi: to long rangbah phi, to ïaleh ruh.”