2 SAMUEL 1:16 - KA BAIBL

¹⁶ U Dabid te u la ong ha u, “To ka snam jong me kan long halor ka khlieh jong me; naba ka shyntur jong me hi ka la phla sakhi pyrshah ïa me, ka la ong, ‘Nga la pynïap ïa uba la sleh jong U Trai.’ ”

Khasi CL Bible (BSI)

¹⁶ bad u Dabid u ong ha uta u nong Amalek, “Me la wallam ïa kane halor lade. Me la pynrem ïa lade haba me phla ba me la pynïap ïa uta uba U Trai u la jied ban long syiem.”

2 SAMUEL 1:16 ပူးပေါင်းရင်းမြစ်များ

2 SAMUEL 1:10

Kumta, nga la ïeng hajan jong u, bad nga la pynïap ïa u, naba nga la tip skhem ba um lah im shuh haba u la kyllon; bad nga la shim ïa kata ka pansngiat kaba ha ka khlieh jong u, bad ïa kata ka tad tyrpeng kaba ha ka ksang'ti jong u, bad nga la wallam ïa ki shane ha u kynrad jong nga.”

2 SAMUEL 16:8

U Trai u la pynphai halor jong me ïa kata ka snam ka ïing u Saul baroh, uba me la synshar ma me ha ka jaka jong u; bad U Trai u la ai noh ïa ka hima ha ka kti u Absalom u khun jong me; bad ha khmih, me la ngat ha la ka jong ka pop, namar ba me long u briew uba bit snam.”

1 SYIEM 2:37

Naba ha kata ka sngi ba men mih noh, bad jam palat ïa ita i wah Kidron, to tip skhem ba men ïap shisha: ka snam jong me kan long halor ka khlieh jong me hi.”

Ka Kitab U Job 15:6

Ka shyntur jong me hi ka pynrem ïa me, te ym ma nga; bad ki rmiang shyntur jong me ki sakhi pyrshah ïa me.

PROBERB 6:2

la riam ïa me da ki ktien ka shyntur jong me, la pynngat ïa me da ki ktien ka shyntur jong me.

ESEKIEL 18:13

u la ai sut, u la shim ïa kaba tam ruh: hato uta un im? Un ym im keiñ: u la leh ïa kine ki jingijli baroh: un ïap da shisha; ka snam jong u kan long halor jong u hi.

ESEKIEL 33:5

U la ïohsngew ïa ka jingsawa ka turoi, hynrei, um sngap ïa ka maham; ka snam jong u kan long halor jong u hi: hynrei, lada u la sngap ïa ka maham, u la pyllait ïa la ka mynsiem.

LEBITIKOS 20:16

Bad haba ka briew ka da leit ha u mrad, ïa ka ban thiah bad u, to men pynïap noh ïa kata ka briew, bad ïa uta u mrad ruh: to pynïap noh shisha ïa ki keiñ; ka snam jong ki kan long halor jong ki hi.

LEBITIKOS 20:27

“ ‘U briew ruh lane ka briew ba don ka mynsiem leh blei, lane ba long ki nongleh byrtong, yn pynïap noh shisha ïa ki: kin ïalynthem maw ïa ki: ka snam jong ki kan long halor jong ki hi keiñ.’ ”

LEBITIKOS 20:9

Bad jar uba tim ïa la u kpa lane ïa la ka kmie yn pynïap shisha ïa u: u la tim ïa la u kpa lane ïa la ka kmie; ka snam jong u kan long halor jong u hi.

MATHAÏOS 27:25

Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

LOUKAS 19:22

U te u ong ha u, ‘Na ka shyntur jong me ngan bishar ïa me, me u shakri bymman; me la lah tip ba nga long u briew uba eh, uba shim ïa kaba ngam shym la buh, bad uba ot ïa kaba ngam shym la bet:

KI KAM 18:6

Te haba ki la ïeng ïaleh pyrshah bad krenbeiñ, u la kynther noh ïa la ki jaiñ, bad u la ong ha ki, “Ka snam jong phi kan long halor ka khlieh jong phi hi! nga khuid: naduh mynta ngan leit sha ki Jentil.”

KI KAM 20:26

Naba kumta, nga phla ha phi ha kane ka sngi, ba nga khuid na ka snam ki briew baroh.

Ka Shithi U Paul Sha Ki Nong Rom 3:19

Te ngi ïatip biang ba ïa kiei kiei ruh, kat kiba ka hukum ka ong, ka kren ha kita keiñ, kiba hapoh kata ka hukum; ba kumta, yn ïoh pynsngap noh jar ïa ka shyntur baroh, bad ba ka pyrthei baroh kan long hapoh ka jingpynrem U Blei.

DEUTERONOMI 19:10

ban ym theh keiñ ïa ka snam balui lui ha ka ri jong me, ïa kaba U Trai uba U Blei jong me u ai ha me ban long ka jingïoh pateng, bad kumta ka snam kan long halor jong me.’

JOSHUA 2:19

Kan long ruh, ba jar uba mih na ki jingkhang ka ïing jong pha sha lynti shnong, ka snam jong u kan long halor ka khlieh jong u hi, bad ngi ngin long khlem jingrem: bad jar ba don lem bad pha ha ïing, ka snam jong u kan long halor ka khlieh jong ngi, lada yn buh ka kti ha u.

NONGBISHAR 9:24

khnang ba ka jingleh runar ïa ki hynñiewphew ngut ki khun u Jerubbaal kan ïoh wan, bad ba yn tei ïa ka snam jong ki halor u Abimelekh u para jong ki, uba la pynïap ïa ki, bad halor ki nong Shekhem, kiba la ai bor ïa ki kti jong u ban pynïap ïa la ki para.

1 SAMUEL 25:39

Te haba u Dabid u la ïohsngew ba la ïap u Nabal, u la ong, “Long ba la kyrkhu U Trai, uba la ïasaid ïa ka daw ka jingjahburom jong nga na ka kti u Nabal, bad uba la khang ïa la u shakri na kaba leh sniew: naba U Trai u la pynphai ïa ka jinglehsniew u Nabal halor ka khlieh jong u hi.” Bad u Dabid u la phah ïakren bad ka Abigail, ïa ka ban shim kurim ïa ka.

1 SAMUEL 26:9

Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”