1 SAMUEL 9:16 - KA BAIBL

¹⁶ “Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”

Khasi CL Bible (BSI)

¹⁶ “La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Mynta te, to leh kumta: naba U Trai u la kren shaphang u Dabid, u da ong, ‘Da ka kti u Dabid u shakri jong nga ngan pyllait ïa ki briew jong nga ki Israel na ka kti ki Philistia, bad na ka kti ki nongshun jong ki baroh.’ ”

2 SYIEM 20:5

“To phai pat, bad to ong ha u Hesekaïah u rangbah u paidbah jong nga, ‘Kumne ong U Trai, U Blei u Dabid u kpa jong me, Nga la shahshkor ïa ka jingduwai jong me, nga la ïohi ïa ki ummat jong me: ha khmih, ngan pynkhiah ïa me: ha ka sngi ka balai men leit kiew sha ka ïing U Trai.

SALM 102:1

A Trai, to sngew ïa ka jingduwai jong nga, bad ai ba ka jingkyang jong nga kan wan sha me.

SALM 106:44

La kumta ruh, u la ju khmih ha ka jynjar jong ki, haba u ïohsngew ïa ka jingkyang jong ki:

SALM 25:18

To pyrkhat ïa ka jingjynjar jong nga bad ka jingshitom jong nga; bad to map ïa ki pop jong nga baroh.

PROBERB 16:9

Ka dohnud u briew ka pyrkhat ïa ka lynti jong u: hynrei, U Trai uba ïalam ïa ki jingjam jong u.

JEREMAÏAH 32:8

Kumta u Hanamel u khun u kñi jong nga u la wan ha nga ha ka phyllaw ka karod katba kum ka ktien U Trai, bad u la ong ha nga, “To thied ïa ka lyngkha jong nga, nga kyrpad ïa me, kaba ha Anathoth, kaba long ha ka ri Benjamin: namar ka hok ka jingïoh pateng ka long ka jong me, bad ka jingsiewspah ka long ka jong me; to thied ïa ka ïa lade.” ’ ” Te nga la tip ba kane ka la long ka ktien jong U Trai.

1 SAMUEL 10:1

Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

1 SAMUEL 14:20

Te u Saul bad kita ki briew baroh kiba bad u, ki la ïalum lang, bad ki la wan sha ka thma: te ha khmih, ka waitlam jong uwei pa uwei ka la ïaleh ïa la u lok, bad ka la don ka jingpynjot kaba khraw eh.

1 SAMUEL 14:23

Kumta U Trai u la pynim ïa ki Israel ha kata ka sngi: bad kata ka jingïaleh thma ka la ïaid sha shiliang haduh Beth-aben.

1 SAMUEL 15:1

Te u Samuel u la ong ha u Saul, “U Trai u la phah ïa nga ban pynsleh ïa me ban long syiem halor u paidbah jong u, halor ki Israel keiñ: mynta te, to men sngap ïa ka jingsawa ki ktien U Trai.

1 SAMUEL 16:1

Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 16:3

Bad to khot ïa u Jesse sha kata ka jingkñia, te ngan sa pyntip ha me ïa kaba me dei ban leh: me ruh men pynsleh ïa nga ïa uta uba ngan sa ïathuh ha me.”