1 SAMUEL 8:8 - KA BAIBL

⁸ Katba kum kita ki kam baroh kiba ki la leh naduh kata ka sngi ba nga la wallam noh ïa ki na Ijipt haduh kane ka sngi, ha kaba ki la kyntait ïa nga, bad ba ki la shakri ïa kiwei pat ki blei, kumta ki leh ïa me ruh.

Khasi CL Bible (BSI)

⁸ Naduh ba nga la wan ïalam ïa ki na Ijipt, ki la phai noh na nga bad ki la mane ïa kiwei pat ki blei; bad mynta ki leh ïa me kumba ki la ju leh ïa nga.

1 SAMUEL 8:8 ပူးပေါင်းရင်းမြစ်များ

SALM 78:8

bad ba kin ym long kum ki kpa jong ki, ka pateng bynriew kaba mutlop bad ba ïaleh pyrshah; ka pateng bynriew ka bym shym la buh beit la ka dohnud, bad kiba ka mynsiem jong ki kam shym ïaineh bad U Blei.

EKSODOS 16:3

bad ki khun Israel ki la ïa-ong ha ki, “A ban da ngi, ngi la ïap da ka kti U Trai ha ka ri Ijipt, mynba ngi la ïashong hajan ki khiew doh, mynba ngi la ïabam ïa u kpu ha ban da kdang; naba phi la wallam noh ïa ngi ha kane ka ri khlaw, ban pynïap ïa une u paidbah baroh da ka jingthngan.”

EKSODOS 17:2

Namar kata, ki paidbah ki la khñium eh ïa u Moses, ki da ïa-ong ruh, “To ai um ïa ngi ba ngin dih.” Bad u Moses u la ong ha ki, “Balei phi ïakhñium eh ïa nga? Balei phi tynjuh ïa U Trai?”

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

JEREMAÏAH 34:14

“Ha ka bakut ka hynñiew snem phin pyllait noh uwei uwei ïa la u para uba long u Hebru, ïa uba la die ha me, bad uba la shakri ïa me hynriew snem, men pyllait noh ïa u na me:” hynrei, ki kpa jong phi kim shym la sngap ïa nga, lymne shahshkor.

ESEKIEL 2:3

U la ong ruh ha nga, “Ko khun u briew, nga phah ïa me sha ki khun Israel, sha ki jaid bynriew kiba ïaleh pyrshah, kiba la ïaleh pyrshah ïa nga: ma ki bad ki kpa jong ki, ki la ryngkang pyrshah ïa nga, wat haduh kane ka sngi hi keiñ.

JINGKHEIÑ 16:41

Hynrei, ha kaba lashai, uta u paidlang baroh ki khun Israel u la kren khñium ïa u Moses, bad ïa u Aaron, ki da ong, “Phi la pynïap noh ïa ki briew ki jong U Trai.”

DEUTERONOMI 9:24

Phi la long kiba ïaleh kiat pyrshah ïa U Trai naduh kata ka sngi ba nga la ithuh ïa phi.

NONGBISHAR 13:1

Te ki khun Israel ki la nang leh ïa kata ka basniew pat ha khmat U Trai; bad U Trai u la ai noh ïa ki ha ka kti ki Philistia sawphew snem.

NONGBISHAR 2:20

Te ka jingbitar U Trai ka la meh pyrshah ïa ki khun Israel; bad u la ong, “Namar ba kane ka jaid bynriew ka la ryngkang ïa ka jutang jong nga kaba nga la hukum ïa ki kpa jong ki, bad kim shym la shahshkor ïa ka ktien jong nga;

NONGBISHAR 4:1

Te ki khun Israel ki la leh ïa ka basniew pat ha khmat U Trai, ynda la ïap u Ehud.

NONGBISHAR 6:1

Te ki khun Israel ki la leh ïa ka basniew ha khmat U Trai: bad U Trai u la ai noh ïa ki ha ka kti ki Midian hynñiew snem.

1 SAMUEL 8:7

Bad U Trai u la ong ha u Samuel, “To shahshkor ïa ka ktien jong kine ki briew ha kiei kiei baroh ba ki ong ha me: namar ym dei ïa me ba ki la kyntait, hynrei, ki la kyntait ïa nga, ba ngan ym long syiem shuh halor jong ki.

1 SAMUEL 8:9

Te namar kata, to sngap ïa ka ktien jong ki: la kumta ruh da kaba phla to phla pyrshah ïa ki, bad to pyni ha ki, ïa ka rukom uta u syiem u ban synshar halor jong ki.”