1 SAMUEL 8:6 - KA BAIBL

⁶ Te kane ka ktien ka la pynsngewsih ïa u Samuel, haba ki la ong, “To ai da u syiem ban bishar ïa ngi.” Bad u Samuel u la duwai ha U Trai.

Khasi CL Bible (BSI)

⁶ U Samuel u sngewsih ïa ka jingkyrpad jong ki ban ïoh syiem; kumta u duwai ha U Trai,

1 SAMUEL 8:6 ပူးပေါင်းရင်းမြစ်များ

SALM 109:4

Namar ka jingieit jong nga, ki long ki nongïaleh ïa nga: hynrei, nga, nga shu ïaiduwai.

EKSODOS 32:21

Te u Moses u la kylli ïa u Aaron, “U la leh aïu une u paidbah ïa me, ba me la wallam ïa ka pop bakhraw kat kane halor jong ki?”

EKSODOS 32:32

Hynrei mynta, lada men map ïa ka pop jong ki — te lada da kumwei, to pyndam noh ïa nga, nga kyrpad ïa me, na kata ka kitab jong me ïa kaba me la thoh.”

HOSIA 13:10

Hangno u syiem jong me mynta, ba un pynim ïa me ha ki nongbah jong me baroh? bad hangno ki nongbishar jong me, kiba me la ong, ‘Ai syiem bad nongsynshar ïa nga?’

JINGKHEIÑ 16:15

U Moses te u la bitar lep shikatdei, bad u la ong ha U Trai, “To wat khmih ha ka jingainguh jong ki: ngam shym la shim ïa uwei u kadda na ki, bad ngam shym la pynsniew ruh ïa uwei na ki.”

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

JINGKHEIÑ 16:46

Bad u Moses u la ong ha u Aaron, “To shim ïa ka pliang, to thep ruh ïa ka ding na ka duwan hapoh jong ka, to buh ruh ïa ka jingiwbih thang halor jong ka, bad to leit kloi kloi hapdeng u paidlang, bad to pynlong ïa ka jingpynïasuk na ka bynta jong ki: namar ka jingbitar ka la mih noh na U Trai; ka khlam ruh ka la sdang keiñ.”

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

1 SAMUEL 10:19

phi te ha kane ka sngi phi la kyntait ïa U Blei jong phi, uba ma u hi u ju pynim ïa phi na ki jingjynjar jong phi baroh bad na ki jingkhuslai jong phi baroh; bad phi la ong ha u, ‘Em, hynrei, men thung syiem halor jong ngi.’ Mynta te namar kata, to ïeng ha khmat U Trai ha la ki jaid ki jaid, bad ha la ki hajar hajar.”

1 SAMUEL 12:12

Bad haba phi la ïohi ba u Nahash u syiem ki khun u Ammon u wan ïaleh ïa phi, phi la ong ha nga, ‘Em, hynrei, u syiem un synshar halor jong ngi:’ haba U Trai uba U Blei jong phi u la long u syiem jong phi ruh.

1 SAMUEL 12:17

Mynta kam long ka aïom ot Kew? Ngan khot kyrpad ha U Trai, te un phah ïa u pyrthat bad u slap: bad phin ïoh tip phin ïohi ruh ba kaba khraw ka jingbymman jong phi, kaba phi la leh ha khmat U Trai, ha kaba phi pan syiem.”

1 SAMUEL 12:19

Te u paidbah baroh u la ong ha u Samuel, “To duwai na ka bynta ki shakri jong me ha U Trai uba U Blei jong me, ba ngin ym ïap: namar ngi la pynlang ha ki pop jong ngi baroh sa kane ka jingbymman, ha kaba pan syiem.”

1 SAMUEL 12:23

Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.

1 SAMUEL 7:5

Bad u Samuel u la ong, “To ïalum ïa ki Israel baroh sha Mispah, te ngan duwai na ka bynta jong phi ha U Trai.”