1 SAMUEL 8:18 - KA BAIBL

¹⁸ Te ha kata ka sngi phin lynñiar noh namar uta u syiem jong phi uba phi la jied; bad U Trai un ym shahshkor ïa phi ha kata ka sngi.”

Khasi CL Bible (BSI)

¹⁸ Ynda poi kata ka por, phin sa lynñiar kthang namar u Syiem jong phi, uba phi hi da lade phi la jied, hynrei U Trai un ym sngap ïa ki jingud jong phi.”

1 SAMUEL 8:18 ပူးပေါင်းရင်းမြစ်များ

2 KHRONIKL 10:11

Te mynta, kumba u kpa jong nga u la pynkit ïa phi da ka lyngkor bakhia, ngan nang pyntam shuh ha ka lyngkor jong phi: u kpa jong nga u la pynshitom ïa phi da ki dieng sympat, hynrei, ngan pynshitom da ki shabuk.’ ”

Ka Kitab U Job 27:8

Naba ka jingkyrmen uba khlem blei ka long aïu, la u ïoh myntoi ruh, haba U Blei u shim noh ïa ka mynsiem jong u?

Ka Kitab U Job 27:9

Hato U Blei un sngew ïa ka jinglynñiar jong u, haba ka jynjar ka wan halor jong u?

SALM 18:41

Ki la kyang, hynrei, ym don u ban pynim: ha U Trai keiñ, hynrei, um shym phai ktien ïa ki.

PROBERB 21:13

Jar uba set ïa la ki shkor na ka jinglynñiar jong u baduk, u ruh un lynñiar, hynrei, yn ym sngap ïa u.

ISAÏAH 1:15

Te haba phi kner la ki kti, ngan buhrieh la ki khmat na phi: shisha keiñ, haba phi pynlong shibun ki jingduwai, ngan ym sngap: ki kti jong phi ki dap da ka snam.

ISAÏAH 59:1

Ha khmih, ïa ka kti U Trai ym shym la pynlyngkot, katba kam lah ban pynim; lymne ka shkor jong u kaba khia, katba kam lah ban ïohsngew:

ISAÏAH 8:21

Te kin ïaid lyngba ïa ka, ba la jynjar eh bad ba la thngan: kan long ruh, ba haba kin thngan, kin ïabitar ïa lade, bad kin tim da la u syiem bad da la U Blei, bad kin khmied sha jrong:

ESEKIEL 8:18

Namar kata, nga ruh ngan leh ha ka jingbitar shla; ka khmat jong nga kan ym riej, lymne ngan ym isynei: bad la ki lynñiar ha ki shkor jong nga da ka sur kaba jam, pynban, ngan ym sngap ïa ki.”

MIKAH 3:4

“Ynda kumta, kin ïam ha U Trai, hynrei, un ym phai ktien ïa ki: un buhrieh ïa la ka khmat na ki, pynban, ha kata ka por, kat kumba ki la leh sniew ha ki jingleh jong ki.

LOUKAS 13:25

Te haba shi sien ba u trai ïing u la ïeng, bad u la khang ïa ka jingkhang, bad ba phin sdang ban ïeng shabar bad ban tied ïa ka jingkhang, phi da ong, ‘A Trai, A Trai, to plie ïa ngi’; u te un ïathuh un ong ha phi, ‘Ïa phi ngam ithuh, phi nangno.’

1 SAMUEL 8:17

Bad un shim ïa kaba shiphew na ki langbrot jong phi: bad ma phi hi ruh phin long ki shakri jong u.