1 SAMUEL 8:14 - KA BAIBL

¹⁴ Bad un shim ïa ki lyngkha jong phi, bad ïa ki brisoh Waiñ jong phi, bad ïa ki brisoh Olib jong phi, ki babha tam keiñ, bad un ai noh ha ki shakri jong u.

Khasi CL Bible (BSI)

¹⁴ Un knieh ïa ki lyngkha, ki bri sohwaiñ, bad ki brisoh Olib jong phi kiba bha tam, bad un ai ïa ki ha ki rangbah synshar jong u.

1 SAMUEL 8:14 ပူးပေါင်းရင်းမြစ်များ

1 SYIEM 21:19

Bad men kren ha u da kaba ong, ‘Kumne ong U Trai, “Sha, me la pynïap, me la shimti ruh?” ’ Men kren ruh ha u, da kaba ong, ‘Kumne ong U Trai, “Ha ka jaka ha kaba ki ksew ki la jliah ïa ka snam u Naboth, ki ksew kin jliah ïa ka snam jong me, ka jong me hi keiñ.” ’ ”

1 SYIEM 21:2

Te u Ahab u la kren ha u Naboth, u da ong, “To ai ha nga ïa ka brisoh Waiñ jong me, ba ngan ïoh pynlong ka kper jhur ïa ka, namar ka long hajan ka ïing jong nga; bad ngan ai pli ïa me da ka brisoh Waiñ kaba kham bha ban ïa ka: lane, lada me sngewdei, ngan ai ïa me ka dor jong ka da ki tyngka.”

1 SYIEM 21:7

Te ka Jesebel ka tnga jong u ka la ong ha u, “Mem synshar ma me mynta ïa ka hima ki Israel? to khie, bad to bam jingbam, bad pynsngewbha ïa la ka dohnud: ngan ai ïa me ïa ka brisoh Waiñ u Naboth u nong Jesril.”

ESEKIEL 46:18

Ruh u nongsynshar un ym shim ïa ka jingïoh bynta u paidbah, ban beh noh ïa ki na ka ri kynti jong ki; un ai ïa ka jingïoh bynta ha ki khun shynrang jong u na ka ri kynti jong u hi: khnang ba ki briew jong nga kin ym sakma uwei uwei baroh na ka ri kynti jong u.”

1 SAMUEL 22:7

ynda kumta, u Saul u la ong ha la ki shakri kiba ïeng baroh sawdong ïa u, “To sngap mynta, phi ki Benjamin; une u khun u Jesse un ai mo ha uwei uwei baroh na phi da ki lyngkha bad ki brisoh Waiñ, un pynlong ne em ïa phi baroh ki nongïalam halor ki hajar, bad ki nongïalam halor ki spah;

1 SAMUEL 8:13

Bad un shim ïa ki khun kynthei jong phi ban long ki apothekari, bad ki nongshet ja shet jyntah, bad ki nongshet kpu.

1 SAMUEL 8:15

Bad un shim ïa kaba shiphew na ki symbai jong phi, bad na ki brisoh Waiñ jong phi, bad un ai ha ki myntri jong u, bad ha ki shakri jong u.