1 SAMUEL 7:9 - KA BAIBL

⁹ Te u Samuel u la shim ïa u khun langbrot ba dang buiñ, bad u la ainguh ïa u baroh phar ban long ka jingainguh thang ha U Trai; bad u Samuel u la lynñiar kyrpad ha U Trai na ka bynta ki Israel; bad U Trai u la shahshkor ïa u.

Khasi CL Bible (BSI)

⁹ U Samuel u pynïap uwei u khunlangbrot bad u thang tylli ïa u kum ka jingkñia ainguh ha U Trai. Nangta u duwai ha U Trai ban ïarap ïa ki Israel, bad U Trai u jubab ïa ka jingduwai jong u.

1 SAMUEL 7:9 ပူးပေါင်းရင်းမြစ်များ

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 99:6

U Moses bad u Aaron hapdeng ki lyngdoh jong u, bad u Samuel hapdeng kita kiba khot kyrpad ïa ka kyrteng jong u; ki la khot kyrpad ïa U Trai, te u la phai ktien ïa ki.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

LEBITIKOS 22:27

“Haba yn kha ïa u khun masi, lane ïa u khun blang, lane ïa u khun langbrot, to ai ba un sah bad ka kmie hynñiew sngi; naduh ka sngi baphra bad hadien yn pdiang hun ïa u kum ka jingkñia ainguh ba la pynlong da ka ding ha U Trai.

DEUTERONOMI 9:26

Nga la duwai te ha U Trai, nga la ong, ‘A Trai uba U Blei, wat pynjot noh ïa la u paidlang, bad ïa la ka bynta pateng, ïa kiba me la siewspah da ka bor khraw jong me, ïa kiba me la wallam noh na ka ri Ijipt da ka kti badonbor.

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

NONGBISHAR 6:26

bad to tei ïa ka duwan ïa U Trai uba U Blei jong me ha kliar kane ka kut, ha ka rukom ba la buh beit, bad to shim ïa uta u masi dab u ba-ar, bad to ainguh ka jingainguh thang da kita ki dieng jong kata ka Asherah ïa kiba men sa pynduh.”

NONGBISHAR 6:28

Te haba ki rangbah ka shnong ki la khie dang step phyrngab, ha khmih, ïa ka duwan u Baal la pynkyllon, bad ïa ka Asherah kaba ha ka la pynduh noh, bad ïa u masi dab u ba-ar de la kñia halor kata ka duwan ba la tei.

1 SAMUEL 10:8

Bad men leit hiar ha shuwa jong nga sha Gilgal; bad ha khmih, nga ruh ngan sa wan hiar sha me, ïa ka ban ainguh da ki jingainguh thang, bad ban kñia ïa ki jingkñia pynïasuk: hynñiew sngi men ap, tad ynda ngan wan sha me, bad ngan sa ïathuh ïa me ïa kaba men leh.”

1 SAMUEL 12:17

Mynta kam long ka aïom ot Kew? Ngan khot kyrpad ha U Trai, te un phah ïa u pyrthat bad u slap: bad phin ïoh tip phin ïohi ruh ba kaba khraw ka jingbymman jong phi, kaba phi la leh ha khmat U Trai, ha kaba phi pan syiem.”

1 SAMUEL 16:2

Te u Samuel u la ong, “Kumno ngan leit? Lada u Saul un ïohsngew, un pynïap ïa nga.” Bad U Trai u la ong, “To shim bad me da ka masi lud, bad ong, ‘Nga la wan ïa ka ban kñia ha U Trai.’

1 SAMUEL 2:35

Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.

1 SAMUEL 7:17

Te ka jingwan phai jong u ka la long sha Ramah, namar ka ïing jong u ka la don hangta; hangta ruh u la ju bishar ïa ki Israel: bad hangta u la thaw ïa ka duwan ha U Trai.

1 SAMUEL 9:12

Te ki la ïathuh ïa ki, bad ki la ong, “U don; ha khmih, u ha pyrshah jong phi: to da pynkloi, namar ha kane ka sngi u la wan sha shnong; naba u paidbah u don ka jingkñia mynta ka sngi ha ka jaka jrong: