1 SAMUEL 7:8 - KA BAIBL

⁸ Bad ki khun Israel ki la ïa-ong ha u Samuel, “Ma me to wat shongthait ïa ka ban lynñiar kyrpad na ka bynta jong ngi ha U Trai U Blei jong ngi, ba un pyllait ïa ngi na ka kti kine ki Philistia.”

Khasi CL Bible (BSI)

⁸ bad ong ha u Samuel, “To ïai duwai ha U Trai U Blei jong ngi ban pyllait im ïa ngi na ki Philistia.”

1 SAMUEL 7:8 ပူးပေါင်းရင်းမြစ်များ

ISAÏAH 37:4

Lehse kan long ba U Trai U Blei jong me un ïohsngew ïa ki ktien u Rabshakeh, ïa uba u syiem ka Assyria u kynrad jong u, u la phah ïa ka ban krenbeiñ ïa U Blei ba-im, bad ba un sneng ïa ki ktien kiba U Trai U Blei jong me u la ïohsngew: namar kata te, pynjam la ka jingduwai na ka bynta iba dang sah ba la pynsah.’ ”

ISAÏAH 62:1

Na ka bynta ka Seïon ngan ym sngap jar noh, bad na ka bynta ka Jerusalem ngan ym shongthait, haduh ba ka hok jong ka kan mih kum ka jingphyrnai, bad ka jingpynim jong ka kum ka sharak ba-meh.

JEREMAÏAH 27:18

Hynrei, lada ki long ki nongïathuhlypa, bad lada ka ktien U Trai ka don ha ki, to mynta kin ïasaid ha U Trai ki paid, ba kita ki khiew ki pliang kiba sah ha ka ïing U Trai, bad ha ka ïing u syiem ka Judah, bad ha Jerusalem, kin ym leit sha Babilon.”

JEREMAÏAH 42:2

bad ki la ong ha u Jeremaïah u nongïathuhlypa, “To shah, ngi kyrpad ïa me, ban pdiang sngewbha ha khmat jong me ïa ka jingkyrpad jong ngi, bad to duwai na ka bynta jong ngi ha U Trai U Blei jong me, na ka bynta ine i bynta baroh ba sah keiñ; namar ngi sah sa tang khyndiat na ki babun, kumba ki khmat jong me ki ïohi ïa ngi:

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.