1 SAMUEL 7:3 - KA BAIBL

³ Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”

Khasi CL Bible (BSI)

³ U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”

1 SAMUEL 7:3 ပူးပေါင်းရင်းမြစ်များ

JENESIS 35:2

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ;

1 SYIEM 11:33

namar ba ki la lyndet ïa nga, bad ki la mane ïa ka Ashtoreth ka blei ki Sidon, ïa u Khemosh u blei ki Moab, bad ïa u Milkom u blei ki khun u Ammon; bad kim shym la ïaid ha ki lynti jong nga, ban leh ïa kata kaba dei ha ki khmat jong nga, bad ban sumar ïa ki aiñ bad ki jingbishar jong nga, kumba la leh u Dabid u kpa jong u.

1 SYIEM 8:48

lada kin phai ha me da ka dohnud jong ki baroh bad da ka mynsiem jong ki baroh ha kata ka ri ki nongshun jong ki, kiba la ring mraw ïa ki, bad kin duwai ha me sha ka ri jong ki, kaba me la ai ha ki kpa jong ki, kane ka shnong kaba me la jied, bad kane ka ïing kaba nga la tei ïa ka kyrteng jong me:

2 SYIEM 17:39

hynrei, ïa U Trai uba U Blei jong phi keiñ, phin sheptieng; te un pyllait ïa phi na ka kti ki nongshun jong phi baroh.”

2 SYIEM 23:15

Ïa kata ka duwan ruh kaba ha Bethel, bad ïa ka jaka bajrong kaba u la tei u Jeroboam u khun u Nebat, uba la pynlong ïa ki Israel ban leh pop, ïa kata ka duwan keiñ bad ïa kata ka jaka bajrong u la pynkyllon; bad u la thang ïa kata ka jaka bajrong bad u la pynlwet bin bin ïa ka, u la thang ïa kata ka Asherah ruh de.

1 KHRONIKL 22:19

Mynta te, to thew ha la ka dohnud bad la ka mynsiem ban wad ïa U Trai U Blei jong phi; to ïeng namar kata, bad to phin ïatei ïa ka jaka kyntang jong U Trai U Blei, ban wallam ïa ka synduk ka jutang U Trai, bad ïa ki pliang bakhuid U Blei, hapoh ka ïing ka ban sa thaw ha ka kyrteng U Trai.”

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

2 KHRONIKL 19:3

La kumta ruh, don kiei kiei ki babha ïa kiba la shem ha me, ha kaba me la pynduh noh ïa ki Asherah na ka ri, bad ba me la thew la ka dohnud ban wad ïa U Blei.”

2 KHRONIKL 20:33

Hynrei, ïa ki jaka bajrong ym shym la pynduh noh; lymne ki paidbah kim pat shym la thew ïa la ki dohnud sha U Blei ki kpa jong ki.

2 KHRONIKL 30:19

“To U Trai u babha un map ïa uwei pa uwei uba buh la ka dohnud ban wad ïa U Blei, U Trai, U Blei jong ki kpa jong u, la ym shym la pynkhuid ïa u katba kum ka jingpynkhuid ka jaka kyntang.”

PROBERB 16:1

Ki jingpynkhreh ka dohnud ki dei ki jong u briew: hynrei, ka jubab jong u thylliej ka long na U Trai.

ISAÏAH 55:7

to u bymman un iehnoh ïa la ka lynti, bad u riewbymhok ïa la ki jingmut: to un phai ruh sha U Trai, te un sngewsynei ïa u; bad sha U Blei jong ngi, namar un map phar.

JEREMAÏAH 24:7

Bad ngan ai ha ki ka dohnud ban ithuh ïa nga, ba nga long U Trai: bad kin long u paidlang jong nga, nga ruh ngan long U Blei jong ki: naba kin phai pat sha nga da ka dohnud jong ki baroh.

JEREMAÏAH 36:3

Lehse ka ïing Judah kan shahshkor ïa kata ka jingsniew baroh ïa kaba nga la thmu ban leh ha ki; ba kin phai noh uwei uwei na ka lynti basniew jong u; ba ngan ïohmap ïa ki jingleh bymhok bad ki pop jong ki.”

JEREMAÏAH 4:1

“Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

ESEKIEL 14:6

“Namar kata, to ong ha ka ïing Israel, ‘Kumne u ong U Trai U Blei: To phai pat phi, bad to phai ïa lade na ki bleithaw jong phi; bad to phai noh la ki khmat na ki jingijli jong phi baroh.

ESEKIEL 18:31

To bred noh na phi ïa ki jingpalat jong phi baroh, ha kiba phi la leh palat; to pynlong ïa lade ka dohnud bathymmai bad ka mynsiem bathymmai: namar phin ïap lei, ko ka ïing Israel?

HOSIA 14:1

A ko Israel, to phai sha U Trai U Blei jong me; namar me la kyllon da la ka jingbymhok.

MATHAÏOS 15:8

“ ‘Kine ki briew ki wan hajan jong nga da ka shyntur jong ki, bad ki burom ïa nga da ki rmiang shyntur jong ki, hynrei, ka dohnud jong ki ka jngai noh na nga:

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

MATHAÏOS 6:24

“Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

LOUKAS 4:8

U Jisu te U la ïathuh bad U la ong ha u, “Khie leit noh shadien jong nga, me u Soitan: naba la thoh: “ ‘Men mane dem ïa U Trai uba U Blei jong me, tang ïa u hi ruh men shakri.’ ”

ÏOANNIS 4:24

U Blei u long U Mynsiem, te ka dei ïa kiba mane ïa u, ban mane ha ka mynsiem bad ha kaba shisha.”

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

DEUTERONOMI 13:4

To phin ïabud ïa U Trai uba U Blei jong phi, bad phin sheptieng ïa u, bad phin sumar ïa ki hukum jong u, bad phin kohnguh ruh ïa ka ktien jong u, bad phin ïashakri ïa u, bad phin ïaineh ruh ha u.

DEUTERONOMI 4:29

Hynrei, lada nangta, men da wad ïa U Trai uba U Blei jong me, men sa shem ïa u, lada men da wad ïa u da la ka dohnud baroh, bad da la ka mynsiem baroh.

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

JOSHUA 13:31

bad shiteng ka Gilead, bad ka Ashtaroth, bad ka Edrei, ki shnong ka hima u Og ha Bashan, ki la dei ïa ki khun u Makhir u khun u Manasseh, ha ki shiteng ki khun u Makhir keiñ kat kum ki ïing jong ki.

JOSHUA 24:14

“Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

JOSHUA 24:23

“Mynta namar kata, to iehnoh,” u la ong, “ïa kita ki blei khyllah kiba hapdeng jong phi, bad to dem ïa la ki dohnud ha U Trai U Blei ki Israel.”

NONGBISHAR 10:16

Bad ki la bred noh ïa ki blei khyllah napdeng jong ki, bad ki la shakri ïa U Trai: te ka mynsiem jong u ka la sngewsih na ka bynta ka jingjynjar ki Israel.

NONGBISHAR 10:6

Te ki khun Israel ki la leh pat ïa kata ka basniew ha khmat U Trai, bad ki la leit shakri ïa ki Baal bad ki Ashtaroth, bad ïa ki blei ka Syria, bad ïa ki blei ka Sidon, bad ïa ki blei ki Moab, bad ïa ki blei ki khun u Ammon, bad ïa ki blei ki Philistia; te ki la lyndet ïa U Trai, bad kim shakri shuh ïa u.

NONGBISHAR 2:11

Bad ki khun Israel ki la leh ïa kata ka basniew ha khmat U Trai, bad ki la leit shakri ïa ki Baal:

NONGBISHAR 2:13

Ki la lyndet te ïa U Trai, bad ki la leit shakri ïa u Baal bad ïa ka Ashtaroth.

1 SAMUEL 31:10

Bad ki la buh ïa ki atiar jong u ha ka ïing ki Ashtaroth: te ïa ka met jong u ki la sahnar ha ka kynroh ka Beth-shan.