1 SAMUEL 7:2 - KA BAIBL

² Te naduh ba kata ka synduk ka la wan shong ha Kiriath-jearim, ka la long slem, jin arphew snem keiñ: bad ka ïing Israel baroh ka la ïam sngewkynmaw ïa U Trai.

Khasi CL Bible (BSI)

² Ka Synduk ka Jutang U Trai ka don slem bha ha Kiriath Jearim, kumba arphew snem. Ha kata ka por, ki Israel baroh ki la kyang ha U Trai ban ïoh jingïarap.

1 SAMUEL 7:2 ပူးပေါင်းရင်းမြစ်များ

1 KHRONIKL 13:3

bad to ngin ïawallam pat ïa ka synduk U Blei jong ngi sha ngi hi: namar ngim shym la wad sha ka ha ki sngi u Saul.”

1 KHRONIKL 13:5

Kumta, u Dabid u la pynïaseng lang ïa ki Israel baroh, naduh Shihor ka wah Ijipt haduh kaba rung sha Hamath, ïa ka ban wallam ïa ka synduk U Blei na Kiriath-jearim.

JEREMAÏAH 26:20

Bad la don ruh u briew uba la ïathuhlypa ha ka kyrteng U Trai, u Uriah u khun u Shemaïah u nong Kiriath-jearim; bad u la ïathuhlypa pyrshah ïa kane ka shnong bad pyrshah ïa kane ka ri katba kum ki ktien u Jeremaïah baroh:

JEREMAÏAH 3:13

To tang shu phla ïa la ka jingleh bymhok, ba pha la leh palat ïa U Trai U Blei jong pha, bad pha la pynsakma ïa la ki lynti ha ki nongwei hapoh u dieng bajyrngam baroh, bad pham shym la kohnguh ïa ka ktien jong nga,’ ong U Trai.

JEREMAÏAH 31:9

Kin sa ïawan da kaba ïam, bad da ki jingkyrpad ngan ïalam ïa ki: harud ki wah um ngan pynïaid ïa ki, na ka lynti kaba beit, ha kaba kin ym jynthut: namar nga long u kpa ïa ki Israel, bad u Ephraim u long u khun nyngkong jong nga.”

MATHAÏOS 5:4

“Suk ki basngewsih: naba yn pyntngen ïa ki.

JOSHUA 9:17

Bad ki khun Israel ki la ïaleit, bad ki la poi ha ki shnong jong ki ha ka sngi balai. Te ki shnong jong ki, ki la long ka Gibeon, bad Khephirah, bad ka Beeroth, bad ka Kiriath-jearim.

NONGBISHAR 2:4

Te haba uta u angel U Trai u la kren ïa kine ki ktien ha ki khun Israel baroh, u paidbah u la kyang jam, bad u la ïam.

1 SAMUEL 7:1

Te ki rangbah Kiriath-jearim ki la wan, bad ki la wallam noh artet ïa ka synduk U Trai, bad ki la wallam ïa ka ha ka ïing u Abinadab ha uta u lum, bad ki la pynkyntang ïa u Eleasar u khun jong u ïa ka ban sumar ïa ka synduk U Trai.

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”