1 SAMUEL 7:17 - KA BAIBL

¹⁷ Te ka jingwan phai jong u ka la long sha Ramah, namar ka ïing jong u ka la don hangta; hangta ruh u la ju bishar ïa ki Israel: bad hangta u la thaw ïa ka duwan ha U Trai.

Khasi CL Bible (BSI)

¹⁷ Nangta u ju leit pat sa sha la ïing ha Ramah, hangta ruh u ju shakri kum u nongbishar. Ha Ramah u la tei ïa ka duwan ha U Trai hangta.

1 SAMUEL 7:17 ပူးပေါင်းရင်းမြစ်များ

JENESIS 33:20

Bad u la pynïeng ïa ka duwan hangta, bad u la khot kyrteng ïa ka, “ka El-Elohe-Israel.”

JENESIS 35:7

Bad u la tei ïa ka duwan hangta, bad u la khot kyrteng ïa kata ka jaka “ka El-Bethel”: namar ba hangta U Blei u la paw ha u, mynba u la phet ïap na khmat u hynmen jong u.

ISAÏAH 10:29

ki la leit shiliang ka phud wah; ki la ïashong basa ha Geba: ka Ramah ka khynñiuh; ka Gibeah u Saul ka la phet ïap.

NONGBISHAR 4:5

Bad ka la shong hapoh u dieng Tlai jong ka Deborah hapdeng ka Ramah bad ka Bethel ha ri lum Ephraim: bad ki khun Israel ki la ju wan kiew sha ka ban ïoh bishar.

NONGBISHAR 6:24

Ynda kumta, u Gideon u la tei ka duwan ha U Trai hangta, bad u la khot ïa ka “Jehobah-shalom:” (Haduh kane ka sngi ka dang don ha Ophrah jong ki Abieser.)

1 SAMUEL 1:1

Te la don uwei u briew uba na Ramathaim-Sophim, na ka ri lum Ephraim, uba kyrteng “u Elkanah”, u khun u Jeroham, u khun u Elihu, u khun u Tohu, u khun u Suph, u nong Ephraim:

1 SAMUEL 1:19

Te ki la khie la dang step, bad ki la ïamane ha khmat U Trai, ki la leit wan noh ruh, bad ki la poi ha la ïing ha Ramah: bad u Elkanah u la ithuh ïa ka Hannah ka tnga jong u; bad U Trai u la kynmaw ïa ka.

1 SAMUEL 11:15

Bad u paidbah baroh u la leit sha Gilgal; bad hangta ki la pynlong syiem ïa u Saul ha khmat U Trai ha Gilgal; bad hangta ki la kñia ki jingkñia da ki jingainguh pynïasuk ha khmat U Trai; bad hangta u Saul bad ki rangbah Israel baroh ki la leh kmen shikatdei.

1 SAMUEL 14:35

Bad u Saul u la tei ïa ka duwan ha U Trai: kata ka la long ka duwan ka banyngkong ba u la tei ha U Trai.

1 SAMUEL 15:34

Ynda kumta, u Samuel u la leit noh sha Ramah; bad u Saul u la leit kiew sha la ïing sha Gibeah u Saul.

1 SAMUEL 2:11

Bad u Elkanah u la leit sha Ramah ha la ïing. Te uta u khun khynnah u la shakri ïa U Trai ha khmat u Eli lyngdoh.

1 SAMUEL 28:3

Te u Samuel u la lah ïap noh, bad ki Israel baroh ki la lah ïambriew ïa u, bad ki la tep ïa u ha Ramah, ha ka shnong jong u hi keiñ. Bad u Saul u la lah beh noh na kata ka ri ïa kiba shong ksuid, bad ïa kiba kren byrtong.

1 SAMUEL 8:4

Ynda kumta, ki tymmen basan ki Israel baroh ki la ïalum lang, bad ki la ïawan sha u Samuel ha Ramah:

1 SAMUEL 9:12

Te ki la ïathuh ïa ki, bad ki la ong, “U don; ha khmih, u ha pyrshah jong phi: to da pynkloi, namar ha kane ka sngi u la wan sha shnong; naba u paidbah u don ka jingkñia mynta ka sngi ha ka jaka jrong: