1 SAMUEL 7:14 - KA BAIBL

¹⁴ Bad kita ki nongbah kiba ki Philistia ki la lah knieh na ki Israel la ai noh pat ïa ki ha ki Israel, naduh Ekron haduh Gath; bad ki Israel ki la knieh noh ruh ïa la ki pud na ka kti ki Philistia. Te la don ka jingïasuk hapdeng ki Israel bad ki Amor.

Khasi CL Bible (BSI)

¹⁴ Ïa ki nongbah baroh ba ki Philistia ki la ïohknieh hapdeng ka Ekron bad ka Gath la pynphai pat sha ki Israel, bad kumta ki Israel ki la ïoh biang ïa ka ri jong ki baroh. Bad ka la don ruh ka jingshongsuk hapdeng ki Israel bad ki Kanaan.

1 SAMUEL 7:14 ပူးပေါင်းရင်းမြစ်များ

1 KHRONIKL 18:1

Hadien kane, u Dabid u la shoh ïa ki Philistia, bad u la jop ïa ki, bad u la knieh ïa ka Gath bad ki shnong jong ka na ka kti ki Philistia.

SALM 106:34

Kim shym pynduh noh ïa kita ki kynja bynriew, kumba U Trai u la hukum ïa ki;

JINGKHEIÑ 13:29

Kita ki Amalek, ki ïashong sah ha ka ri shathie: te ha ki ri lum, ki ïashong sah ki Heth, bad ki Jebus, bad ki Amor: ki Kanaan ruh ki ïashong hajan kata ka duriaw, bad harud ka Jordan.”

DEUTERONOMI 7:16

To men pynduh noh, namar kata, ïa kita ki jaid bynriew baroh kiba U Trai uba U Blei jong me un sa aiti ha me; ka khmat jong me kan ym isynei ïa ki: lymne men ym shakri ïa ki blei jong ki; namar kata, kan long ka jingriam ïa me.

DEUTERONOMI 7:2

bad ba U Trai uba U Blei jong me u la aiti ïa ki ha khmat jong me, bad ba me la jop ïa ki; men pynjot noh khoit ïa ki; men ym pynlong ka jutang bad ki, lymne leh isynei ïa ki:

JOSHUA 10:5

Namar kata, kita ki san ngut ki syiem ki Amor, u syiem ka Jerusalem, u syiem ka Hebron, u syiem ka Jarmuth, u syiem ka Lakhish, u syiem ka Eglon, ki la ïalum lang, bad ki la leit kiew, ma ki bad ki paidïapom jong ki baroh, bad ki la shong dara ha khmat ka Gibeon, bad ki la ïaleh ïa ka.

JOSHUA 15:11

bad kata ka pud ka la siat sha khap ka Ekron shaphang shatei: bad ka pud ka la leit sha Shikkeron, bad ka la pom sha u lum Baalah, bad ka la poi sha Jabnil; bad ki kut ka pud ki ha ka duriaw.

NONGBISHAR 4:17

Hynrei, u Sisera u la phet ïap noh da ki kjat sha ka ïingjaiñ ka Jael ka tnga u Heber u nong Ken: namar la don ka jingïasuk hapdeng u Jabin u syiem ka Hasor bad ka ïing u Heber u nong Ken.