1 SAMUEL 7:12 - KA BAIBL

¹² Te u Samuel u la shim ïa u maw, bad u la pynïeng ïa u hapdeng ka Mispah bad ka Shen, bad u la khot kyrteng ïa u, “U Ebeneser”, u da ong, “Haduh kane U Trai u la ïarap ïa ngi.”

Khasi CL Bible (BSI)

¹² Nangta u Samuel u shim uwei u maw, u pynïeng ïa u hapdeng ka Mispah bad ka Shen, bad ong, “U Trai u la ïarap ïa ngi baroh shi lynter lynti” — bad u la pynkyrteng ïa u, “u maw ka jingïarap.”

1 SAMUEL 7:12 ပူးပေါင်းရင်းမြစ်များ

JENESIS 22:14

Bad u Abraham u la khot kyrteng ïa kata ka jaka, “Jehobah-jireh”: kumba la dang ong haduh kane ka sngi, “Ha u lum U Trai yn sa ïohi hi.”

JENESIS 35:14

Bad u Jakob u la pynïeng ïa u mot pynkynmaw ha kata ka jaka ha kaba u la lah ïakren bad U, da u mawbynna keiñ: bad u la theh halor jong u ïa ka jingainguh dih, bad u la theh ïa ka umphniang ruh halor jong u.

SALM 71:17

A U Blei, me la hikai ïa nga naduh nga dang samla; bad haduh mynta nga la pynbna ïa ki kam baphylla jong me.

SALM 71:6

Da me la kyrshan ïa nga naduh ba dang kha: me la shim noh ma me ïa nga na ka kpoh ka kmie jong nga: ka jingïaroh jong nga ïa me kan long borabor.

EKSODOS 17:15

Bad u Moses u la tei ïa ka duwan, bad u la khot ïa ka kyrteng jong ka “Jehobah-nissi”,

ISAÏAH 19:19

Ha kata ka sngi, yn long ka duwan ha U Trai hapdeng ka ri Ijipt, bad u mawbynna harud jong ka ha U Trai.

KI KAM 26:22

Hynrei, haba la ïoh kata ka jingïarap kaba na U Blei, nga ïai-ïeng haduh kane ka sngi, nga da phla ha u barit ruh bad ha u bakhraw, khlem da ong ei ei ruh em tam ïa kaba la lah ong ki nongïathuhlypa bad u Moses ba kin sa long;

2 KORINTH 1:10

uba la knieh kynthet ïa ngi na ka jingïap kaba khraw katta katta, bad uba ïaiknieh kynthet ïa ngi, ha uba ngi kyrmen ba un dang knieh kynthet shuh ruh;

JOSHUA 4:9

Bad u Joshua u la pynïeng khat-ar tylli ki maw hapdeng ka Jordan, ha kata ka jaka ha kaba ki sla'jat kita ki lyngdoh kiba la bah ïa kata ka synduk ka jutang ki la ïeng: ki don hangta ruh, haduh kane ka sngi.

1 SAMUEL 14:35

Bad u Saul u la tei ïa ka duwan ha U Trai: kata ka la long ka duwan ka banyngkong ba u la tei ha U Trai.

1 SAMUEL 4:1

Bad ka ktien u Samuel ka la wan ha ki Israel baroh. Te ki Israel ki la leit ïaleh thma ïa ki Philistia, bad ki la sher dara hajan ka Ebeneser: ki Philistia ruh ki la sher dara ha Aphek.

1 SAMUEL 5:1

Te ki Philistia ki la shim ïa ka synduk U Blei na Ebeneser, bad ki la leit lam noh ïa ka sha Ashdod.

1 SAMUEL 7:11

Bad ki rangbah Israel ki la ïamih noh na Mispah, bad ki la beh ïa ki Philistia, bad ki la pynïap ïa ki haduh ba ki la poi hapoh Beth-kar.