1 SAMUEL 7:10 - KA BAIBL

¹⁰ Bad katba u Samuel u dang ainguh ïa kata ka jingainguh thang, ki Philistia ki la ïawan hajan ïa ka ban ïaleh ïa ki Israel: hynrei, U Trai u la tied pyrthat da ki pyrthat kiba khraw halor ki Philistia ha kata ka sngi, bad u la pynjot noh ïa ki; bad la pynïap ïa ki ha khmat ki Israel.

Khasi CL Bible (BSI)

¹⁰ Katba u Samuel u dang ai ïa ka jingkñia, ki Philistia ki tur sha jan ban ïaleh; hynrei hangta U Trai u kyrhuh kum u pyrthat na bneng pyrshah ïa ki. Ki la shaïong ngaiñ, bad ki la phet krad ha ka jingkulmar.

1 SAMUEL 7:10 ပူးပေါင်းရင်းမြစ်များ

SALM 18:15

Hangta ki tynrai jong ki um ki la paw, bad ïa ki nongrim jong ka pyrthei la pynlyngkhuit, ha ka jingsneng jong me, A Trai, ha kaba beh ka jingpyrsad ki thliew khmut jong me.

SALM 29:3

Ka ktien sawa U Trai ka halor ki um: U Blei ka burom u riew pyrthat, U Trai keiñ halor bun ki um.

SALM 29:4

Ka ktien sawa U Trai ka long kaba don bor; ka ktien sawa U Trai ka dap da ka burom syiem.

SALM 78:66

U la shoh da dien ïa ki nongïaleh pyrshah jong u: u la buh ïa ki ha ka jingrkhiebeiñ kaba ha la ka rta.

SEKHARAÏAH 4:6

Ynda kumta, u la ïathuh bad u la kren, u da ong, “Kane ka long ka ktien U Trai ha u Serubbabel, ka da ong, ‘Ym da u paidïapom, lymne da ka bor, hynrei, da U Mynsiem jong nga,’ ” ong U Trai ki paid.

DEUTERONOMI 28:7

“U Trai u shoh ïap ha khmat jong me ïa ki nongshun jong me kiba ïeng ïaleh pyrshah ïa me: tang da kawei ka lynti kin ïawan ïaleh ïa me, hynrei, kin ïaphet ïap noh na me keiñ hynñiew ki lynti.

JOSHUA 10:10

Bad U Trai u la pynjot ïa ki ha khmat ki Israel, bad u la pynïap ïa ki da ka jingpynïap bakhraw ha Gibeon, u la beh ïa ki ruh ha ka lynti ka thiep Beth-horon, bad u la pynïap ïa ki haduh Asekah, bad haduh Makkedah.

NONGBISHAR 4:15

Bad U Trai u la pynduh khoit ïa u Sisera, bad ki kali jong u baroh, bad u paidïapom jong u baroh, da ka syrti waitlam ha khmat u Barak; te u Sisera u la hiar noh na la ka kali, bad u la phet ïap noh da ki kjat.

NONGBISHAR 5:20

Ki la ïaleh na bneng, ki khlur ha la ki jingïaid ki la ïaleh thma pyrshah ïa u Sisera.

NONGBISHAR 5:8

Ki la shim da ki blei thymmai; hangta te la don thma ha ki khyrdop: la ju ïohi mo ïa ka stieh lane ïa u sum hapdeng ki sawphew hajar ngut ha Israel?

1 SAMUEL 12:17

Mynta kam long ka aïom ot Kew? Ngan khot kyrpad ha U Trai, te un phah ïa u pyrthat bad u slap: bad phin ïoh tip phin ïohi ruh ba kaba khraw ka jingbymman jong phi, kaba phi la leh ha khmat U Trai, ha kaba phi pan syiem.”

1 SAMUEL 14:15

Bad la don ka jingkyiuh ha ka jaka shong dara, ha lyngkha, bad hapdeng ki briew baroh; kata ka karod, bad kita ki nonglute, ki ruh ki la kyiuh: bad ka khyndew ruh ka la khynñiuh; kumta ka la long ka jingkyiuh ka bakhraw eh.

1 SAMUEL 2:10

Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”

1 SAMUEL 7:11

Bad ki rangbah Israel ki la ïamih noh na Mispah, bad ki la beh ïa ki Philistia, bad ki la pynïap ïa ki haduh ba ki la poi hapoh Beth-kar.