1 SAMUEL 6:9 - KA BAIBL

⁹ Phin khmih ruh, lada ka leit kiew na kata ka lynti ka phang jong ka hi sha Beth-shemesh, te kumta u la pynngat ma u ïa kane ka jingsniew ka bakhraw halor jong ngi: hynrei, lada em, ngin ïoh tip ba ym dei ka kti jong u ba la shoh ïa ngi; kane ka la shu jia ryngkhat ha ngi.”

Khasi CL Bible (BSI)

⁹ Nangta peit kumno ka ïaid; lada ka leit sha la ka ri Beth Shemesh, ka mut ba dei U Blei ki Israel uba la pynngat ha ngi ïa kane ka jingjynjar kaba sngewshyrkhei. Hynrei lada kam long kumta, ngin sa tip ba ym dei ma u uba la phah ïa ka khlam; ka dei kaba shu wan jia ryngkhat.”

1 SAMUEL 6:9 ပူးပေါင်းရင်းမြစ်များ

2 SAMUEL 1:6

Te uta u samla uba ïathuh ha u, u la ong, “Ka la jia ba nga don ha u lum Gilboa, te ha khmih, u Saul u la shaniah ha la u sum; ha khmih ruh, ki kali ïapom bad ki nongshong kulai ki ïabeh eh nadien jong u.

1 SYIEM 4:9

u Ben-deker, ha Makas, bad ha Shaalbim, bad Beth-shemesh, bad Elon-beth-hanan:

2 KHRONIKL 25:21

kumta, u Joash u syiem ki Israel u la leit kiew; bad ma u bad u Amasaïah u syiem ka Judah ki la ïakhmih kai markhmat ha Beth-shemesh, kaba dei ïa ka Judah.

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

EKLESIASTIS 9:11

Nga la phai, bad nga la ïohi hapoh ka sngi, ba ka jingïaphet thong kam dei ïa uba stet, lymne ka jingïaleh thma ïa u bakhlaiñ, lymne pat u kpu ïa u bastad, lymne pat ki spah ki phew ïa ki briew ki bashemphang, lymne pat ka jingsngewbha ïa ki briew kiba don buit; hynrei, ka por bad ka bok ka jia ha ki baroh.

ISAÏAH 26:11

Ko Trai, ïa ka kti jong me la kyntiew, pynban, kim ïohi: hynrei, kin sa ïohi ïa ka jingshitrhem jong me ïa u paidlang, bad yn pynlehrain ïa ki; shisha keiñ, ka ding kan bam duh ïa ki nongshun jong me.

AMOS 3:6

Hato yn put ïa ka ronsing ha nongbah, bad ki briew kin ym sheptieng? Hato ka jingsniew kan ngat ha ka shnong, haba U Trai um leh ïa kata?

LOUKAS 10:31

Te uwei u lyngdoh, da kaba jia ryngkhat u la wan hiar na kata ka lynti; bad haba u la ïohi ïa u, u la ïaid kiar noh sharud lynti.

JOSHUA 15:10

bad ka pud ka la ïaid tawiar na Baalah shaphang sepngi shaduh u lum Seir, bad ka la pom haduh trai u lum Jearim shaphang shatei (kata ka long “ka Khesalon”), bad ka la hiar sha Beth-shemesh, bad ka la suh sha Timnah:

JOSHUA 21:16

bad ka Ain bad ki rudnong jong ka, bad ka Juttah bad ki rudnong jong ka, bad ka Beth-shemesh bad ki rudnong jong ka; khyndai tylli ki nongbah na kita ki ar jaid.

1 SAMUEL 6:10

Te kita ki rangbah ki la leh kumta; bad ki la shim ar tylli ki masi ai dud, bad ki la teh ïa ki ha kata ka kali, bad ki la set hapoh ïing ïa ki khun jong ki:

1 SAMUEL 6:12

Bad kita ki masi ki la leit na kaba beit ka lynti sha ka lynti Beth-shemesh; na ka lynti bah keiñ ki la leit, ki da pah keiñ katba ki dang leit, bad kim shym la phai noh sha kamon lymne sha kadiang; kita ki doloi jong ki Philistia ki la bud nadien jong ki haduh ka pud Beth-shemesh.

1 SAMUEL 6:3

Ki te ki la ong, “Lada phin phah noh ïa ka synduk U Blei ki Israel, wat phah noh suda ïa ka; hynrei, la kumno kumno phin ai ha u ïa ka jingainguh namar ka jingpalat: te kumta yn pynkhiah ïa phi, bad phin ïoh tip namar balei ba ka kti jong u kam pat kynriah na phi.”