1 SAMUEL 6:6 - KA BAIBL

⁶ Te balei phi pyneh ïa la ki dohnud, kumba ki Ijipt bad u Pharaoh ki la ïa-pyneh ïa ki dohnud jong ki? haba u la leh ïa kaba phylla hapdeng jong ki, ki kim shym la pyllait noh ïa ki paidbah, ki ruh ki la leit noh?

Khasi CL Bible (BSI)

⁶ Balei phin pyneh ïa la ki dohnud kumba leh u Pharaoh bad ki nong Ijipt? Wat klet kumno U Blei u la pynlong ki bieit ïa ki haduh ba kin da shah ïa ki Israel ban mihnoh na Ijipt.

1 SAMUEL 6:6 ပူးပေါင်းရင်းမြစ်များ

Ka Kitab U Job 9:4

U long u bastad la ka dohnud, bad u bakhlaiñ ha ka bor: uei uba la pyneh ïa lade pyrshah ïa u, bad uba la lah?

SALM 95:8

“Wat pyneh ïa la ka dohnud, kumba ha kata ka jingïaleh, kumba ha ka sngi ka jingpynshoi ha ri khlaw;

EKSODOS 10:3

Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

EKSODOS 14:17

Bad ha khmih, ma nga hi, ngan pyneh ïa ka dohnud ki Ijipt, bad kin bud nadien jong ki: te ngan ïoh burom halor u Pharaoh, bad halor u paidïapom jong u baroh, bad halor ki kali ïapom jong u, bad halor ki nongshong kulai jong u ruh.

EKSODOS 14:23

Te ki Ijipt ki la ïabeh, bad ki la ïabud nadien jong ki shapdeng kata ka duriaw, ki kulai u Pharaoh baroh, bad ki kali ïapom jong u, bad ki nongshong kulai jong u ruh.

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 7:13

Te la pyneh ïa ka dohnud u Pharaoh, bad kumta, um shym shahshkor ïa ki; kumba U Trai u la lah ong.

EKSODOS 7:14

Te U Trai u la ong ha u Moses, “Ka dohnud u Pharaoh ka la eh, um treh ban pyllait noh ïa u paidbah.

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

EKSODOS 8:32

Te u Pharaoh u la pyneh ïa la ka dohnud ha kane ruh, bad um shym la pyllait noh ïa uta u paidbah.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

EKSODOS 9:34

Te haba u Pharaoh u la ïohi ba uta u slap bad uta u phria bad uta u pyrthat ruh ki la jah noh, u la nang leh pop shuh shuh, bad u la pyneh ïa la ka dohnud ruh: ma u bad ki shakri jong u.

Ka Shithi U Paul Sha Ki Nong Rom 2:5

Hynrei, katba kum kata ka jinglong eh ka jong me bad ka dohnud bymkylla-ka-bamut, me ïaikynshew ïa lade ka jingbitar ïa kaba akher ka sngi ka jingbitar, bad ka jingpynpaw ïa ka jingbishar hok ka jong U Blei;

HEBRU 3:13

Hynrei, to ïakyntu paralok ha la ka sngi, katba dang khot “Mynta ka sngi” ïa ka; ba yn ym pyneh ïano ïano ruh na phi da ka jingshukor ka pop.