1 SAMUEL 6:5 - KA BAIBL

⁵ Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.

Khasi CL Bible (BSI)

⁵ Phi dei ban thaw ïa ki dur jong u thung bad ki dur khnai kiba la pynjulor ïa ka ri jong phi, bad phi dei ban ai burom ïa U Blei ki Israel. Lehse un sa sangeh noh na kaba pynshitom ïa phi, ïa ki blei jong phi, bad ïa ka ri jong phi.

1 SAMUEL 6:5 ပူးပေါင်းရင်းမြစ်များ

1 KHRONIKL 16:28

To ai ha U Trai, phi ki jaid ki jaid ki briew, ai ha U Trai, ka burom bad ka bor.

1 KHRONIKL 16:29

Ai ha U Trai, kata ka burom kaba dei ïa ka kyrteng jong u: to wallam ka jingainguh, bad to wan ha khmat jong u: mane ïa U Trai ha ka jingitynnad ka jingkhuid.

SALM 18:44

Ki tang shu ïohsngew shaphang jong nga kin kohnguh ïa nga; kita ki nongwei kin nguh ïa nga.

SALM 32:4

Namar synñia sngi ka kti jong me ka la khia halor jong nga: ïa ka jingsngem jong nga la pynkylla kumba da ka jingrang ryngkhiang ka lyiur. Selah.

SALM 39:10

To pynkynriah noh ïa ka jingshoh jong me na nga: la bam duh ïa nga da ka jingïaleh ka kti jong me.

SALM 66:3

To ong ha U Blei, “Katno kiba itriem ki long ki kam jong me! Namar ka jingkhraw ka bor jong me, ki nongshun jong me kin pynkohnguh ïa lade ha me.

EKSODOS 12:12

Naba ngan ïaid lyngba ka ri Ijipt ha kane ka miet, bad ngan shoh ïap ïa u khun nyngkong baroh kiba ha ka ri Ijipt, u jong u briew bad u jong u mrad ruh; bad pyrshah ïa ki blei ka ri Ijipt ngan pynlong ïa ka jingbishar: ma nga, nga long U Trai.

EKSODOS 8:17

Bad ki la leh kumta; bad u Aaron u la rah ïa la ka kti bad la uta u diengduh, bad u la shoh ïa ka 'dewmet jong ka khyndew, te ka la kylla jynreiñ ha u briew bad ha u mrad; ka 'dewmet jong ka ri baroh keiñ ka la kylla jynreiñ ha ka ri Ijipt kylleng baroh.

EKSODOS 8:24

Bad U Trai u la leh kumta; bad la boi bun jaid ki skain ba pynshitom eh ha ïing u Pharaoh, bad ha ki ïing ki shakri jong u; bad ha ka ri Ijipt baroh ïa ka ri te la pynsniew noh khoit da kita ki bun jaid ki skain.

EKSODOS 8:5

Bad U Trai u la kren ha u Moses, “To ong ha u Aaron, ‘To kner ïa la ka kti bad la u diengduh halor kita ki wah bah, bad halor kita ki wah duid, bad halor kita ki pung de, bad to pynmih ïa ki jakoid halor ka ri Ijipt.’ ”

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

ISAÏAH 42:12

To kin pyndonburom ïa U Trai, bad kin pynbna ïa ka jingïaroh jong u ha ki 'dewlynnong.

JEREMAÏAH 13:16

To ai burom ha U Trai U Blei jong phi, katba um pat wallam ka jingdum, bad katba kim pat kynduh ki kjat jong phi ha ki lum ba-dum; bad haba phi khmih lynti ïa ka jingshai, ba un pynkylla ka syrngiew ka jingïap ïa ka, bad ba un pynlong ka ba-dum tliw ïa ka.

JEREMAÏAH 3:13

To tang shu phla ïa la ka jingleh bymhok, ba pha la leh palat ïa U Trai U Blei jong pha, bad pha la pynsakma ïa la ki lynti ha ki nongwei hapoh u dieng bajyrngam baroh, bad pham shym la kohnguh ïa ka ktien jong nga,’ ong U Trai.

JOEL 2:25

Bad ngan pynai pat ha phi kita ki snem kiba ki la bam u puit kluiñ, u 'ñiangdkoh, bad u puit bamphlang bad u puit khlam, u paidïapom bakhraw jong nga uba nga la phah hapdeng jong phi.

JONAH 3:9

Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

MALAKHI 2:2

Lada phin ym sngap, bad lada phin ym pyrkhat, ïa ka ban ai burom ïa ka kyrteng jong nga,” ong U Trai ki paid, “te ngan phah ïa ka jingtim halor jong phi, bad ngan tim ïa ki jingkyrkhu jong phi: shisha keiñ, nga la tim lypa ïa ki, namar ba phim pyrkhat ïa kane.

JINGKHEIÑ 33:4

namar kita ki Ijipt ki dang ïatep ïa ki khun nyngkong jong ki baroh, ïa kiba u la lah shoh U Trai hapdeng jong ki: bad U Trai u la buh ïa ki jingpynshitom halor ki blei jong ki ruh de.

ÏOANNIS 9:24

Kumta, ki la ïakhot sa shi sien ïa uta u briew uba la ju long matlah, bad ki la ïa-ong ha u, “To ai burom ha U Blei; ngi, ngi tip ba uta u briew u long u bapop.”

JOSHUA 7:19

Te u Joshua u la ong ha u Akhan, “Ko khun, to ai burom, nga kyrpad ïa me, ha U Trai, U Blei ki Israel, bad to phla ha u; bad ïathuh ha nga mynta ïa kaei me la leh; wat buhrieh na nga.”

JINGPYNPAW 11:13

Bad ha kata kajuh ka por ka la long ka jingkhynñiuh jumai bakhraw, te kaba shiphew ka bynta na kata ka nongbah ka la kyllon khram; bad la pynïap noh ha kata ka jingkhynñiuh jumai hynñiew hajar ki briew: te kita kiba sah ki la ïasheptieng eh, bad ki la ïa-ai burom ha U Blei ka bneng.

JINGPYNPAW 14:7

bad u ong da ka ktien bajam, “To sheptieng ïa U Blei, bad to ai ka burom ha u; naba la wan ka por ka jingbishar jong u: bad to phin ïamane dem ïa uta uba la thaw ïa ka bneng bad ïa ka khyndew, bad ïa ka duriaw bad ïa ki pukri um.”

JINGPYNPAW 16:9

Kumta keiñ, la pynshit tyrha ïa ki briew da ka jingshit ka bakhraw: te ki la ïakrenbeiñ ïa ka kyrteng jong uta U Blei uba don ka bor halor kine ki jingïapthem; te kim shym la kylla-ka-bamut ban ai burom ha u.

1 SAMUEL 5:11

Ynda kumta te, ki la phah ïalum lang ïa ki doloi ki Philistia baroh, bad ki la ïa-ong, “To phah noh ïa kane ka synduk U Blei ki Israel, to ai ruh ba kan leit noh pat ha ka jaka jong ka, ba kan ym pynïap ïa ngi, bad ïa ki briew jong ngi:” naba ka la don ka jingpynjot kaba pynïap ha kata ka shnong baroh; ka kti U Blei ka la ban khia eh hangta.

1 SAMUEL 5:9

Te ynda ki la bah noh ïa ka, ka kti U Trai ka la ïaleh pyrshah ïa kata ka shnong ruh da ka jingpynjot kaba khraw eh: bad u la pynshitom ïa ki rangbah jong kata ka shnong, ki barit bad ki bakhraw, bad ka jingpang ba lang snam ka la mih ha ki.

1 SAMUEL 6:8

phin shim ruh ïa ka synduk U Trai, bad phin buh ïa ka halor kata ka kali; te kita ki mar ksiar kiba phi la ai ha u ban long ka jingainguh namar ka jingpalat, phin thep hapoh i synduk bad buh ha krung jong ka; bad to phah noh ïa ka, ba kan leit noh.