1 SAMUEL 6:4 - KA BAIBL

⁴ Te ki ruh ki la ïa-ong, “Kaei kata ka jingainguh namar ka jingpalat kaba ngin ai ha u?” Te ki la ïathuh, “San tylli ki dur ki jingat lang snam da ka ksiar, bad san tylli ki khnai ksiar, katba kum ka jingkheiñ ki doloi ki Philistia: naba ha phi baroh bad ha ki doloi jong phi, ka la ngat kajuh ka jingpang.

Khasi CL Bible (BSI)

⁴ “Ka jingai sngewbha aïu ngin phah ïa u?” Ki briew ki kylli. Ki la jubab, “San tylli ki dur jong u thung kiba da ka ksiar bad san tylli ki dur khnai kiba da ka ksiar, na ka bynta uwei pa uwei u syiem Philistia. Ïa kajuh ka khlam la pynngat ha phi baroh bad ha baroh san ngut ki syiem.

1 SAMUEL 6:4 ပူးပေါင်းရင်းမြစ်များ

EKSODOS 12:35

Ki khun Israel ki la leh ruh katba kum ka ktien u Moses; bad ki la ïapan na ki Ijipt ïa ki jingdeng rupa, bad ïa ki jingdeng ksiar, bad ïa ki jaiñkup jaiñsem de;

JOSHUA 13:3

na Shihor, kaba ha shuwa ka Ijipt, haduh ka pud ka Ekron shaphang shatei, ïa kata, la ñiew ka jong ki Kanaan: san ngut ki doloi ki Philistia; ki Gasa, ki Ashdod, ki Ashkelon, ki Gath, bad ki Ekron; ki Abbim ruh, shaphang shathie:

NONGBISHAR 14:19

Te U Mynsiem U Trai u la wan borbah halor jong u, bad u la leit hiar sha Ashkelon, te haba u la pynïap laiphew ngut na ki, u la shim ïa ki jaiñ jong ki, bad u la ai ïa kita ki jaiñ ha kita kiba la tip ïa kata ka jingkyntip. Ka jingbitar jong u te ka la meh buk, bad u la leit kiew sha ka ïing u kpa jong u.

NONGBISHAR 3:3

ki san doloi ki Philistia, ki Kanaan baroh, bad ki Sidon, bad ki Hib kiba shong ha u lum Lebanon, naduh u lum Baal-hermon haduh ka lynti sha Hamath.

1 SAMUEL 5:12

Bad kita ki briew ki bym shym la ïap ki la ngat kata ka jingpang ba lang snam: bad ka jinglynñiar ka shnong ka la leit kiew sha bneng.

1 SAMUEL 5:6

Bad ka kti U Trai ka la ban khia halor ki Ashdod, bad u la pynjot ïa ki bad u la pynngat ïa ka jingpang ba lang snam ha ki, ha Ashdod ruh bad ha ki phang jong ka.

1 SAMUEL 5:9

Te ynda ki la bah noh ïa ka, ka kti U Trai ka la ïaleh pyrshah ïa kata ka shnong ruh da ka jingpynjot kaba khraw eh: bad u la pynshitom ïa ki rangbah jong kata ka shnong, ki barit bad ki bakhraw, bad ka jingpang ba lang snam ka la mih ha ki.

1 SAMUEL 6:5

Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.

1 SAMUEL 6:8

phin shim ruh ïa ka synduk U Trai, bad phin buh ïa ka halor kata ka kali; te kita ki mar ksiar kiba phi la ai ha u ban long ka jingainguh namar ka jingpalat, phin thep hapoh i synduk bad buh ha krung jong ka; bad to phah noh ïa ka, ba kan leit noh.