1 SAMUEL 6:3 - KA BAIBL

³ Ki te ki la ong, “Lada phin phah noh ïa ka synduk U Blei ki Israel, wat phah noh suda ïa ka; hynrei, la kumno kumno phin ai ha u ïa ka jingainguh namar ka jingpalat: te kumta yn pynkhiah ïa phi, bad phin ïoh tip namar balei ba ka kti jong u kam pat kynriah na phi.”

Khasi CL Bible (BSI)

³ Ki la jubab, “Lada phi pynphai ïa ka Synduk ka Jutang jong U Blei ki Israel, phi dei da shisha ban phah bad ka ïa ka jingai sngewbha sha u ban siew noh na ka bynta ka pop jong phi. Ka Synduk ka Jutang kam dei ban leit noh khlem ka jingai sngewbha. Da kumne, yn pynkoit ïa phi bad phin sa sngewthuh balei ba u ïai pynshitom ïa phi.”

1 SAMUEL 6:3 ပူးပေါင်းရင်းမြစ်များ

Ka Kitab U Job 10:2

Ngan ong ha U Blei, Wat pynrem ïa nga; to pyni ha nga namar balei me ïaleh ïa nga.

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

EKSODOS 34:20

Hynrei, ïa u banyngkong jong ka kadda men siewspah da u khun langbrot: te lada men ym siewspah ïa u, te men kdiah ïa ka ryndang jong u. To men siewspah ruh ïa kiba la kha nyngkong baroh na ki khun shynrang jong me. Wat ai ïano ïano ruh ban paw suda ha khmat jong nga.

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

LEBITIKOS 5:6

bad un wan ai ha U Trai ïa la ka jingkñia namar ka jingpalat na ka bynta la ka pop ba u la leh, da i khun langbrot kynthei lane i khun blang kynthei na ka kynhun, ïa ka ban long ka jingkñia namar ka pop; bad u lyngdoh un pynlong ka jingpynïasuk na ka bynta jong u namar kata ka pop jong u.

LEBITIKOS 6:6

Bad un wallam ha u lyngdoh ïa la ka jingkñia namar ka jingpalat ha U Trai, da u langbrot bajanai bha na ki kynhun, lem bad ka jingkheiñ dor jong me, ïa ka ban long ka jingkñia namar ka jingpalat:

DEUTERONOMI 16:16

“Lai sien shi snem, kin ïapaw ki shynrang jong me baroh ha khmat U Trai uba U Blei jong me ha kata ka jaka ïa kaba un jied; ha Ka Jingkhawai Niam U Kpu Bakhlem Thiat, bad ha Ka Jingkhawai Niam Ki Taïew, bad ha Ka Jingkhawai Niam Ki Ïingtrep: hynrei, kin ym ïapaw thylli keiñ ha khmat U Trai:

1 SAMUEL 5:11

Ynda kumta te, ki la phah ïalum lang ïa ki doloi ki Philistia baroh, bad ki la ïa-ong, “To phah noh ïa kane ka synduk U Blei ki Israel, to ai ruh ba kan leit noh pat ha ka jaka jong ka, ba kan ym pynïap ïa ngi, bad ïa ki briew jong ngi:” naba ka la don ka jingpynjot kaba pynïap ha kata ka shnong baroh; ka kti U Blei ka la ban khia eh hangta.

1 SAMUEL 5:7

Te haba ki Ashdod ki la ïohi ba ka la long kumta, ki la ïa-ong, “Kane ka synduk U Blei ki Israel kan ym ïoh sah bad ngi: naba ka kti jong u ka pynshitom eh halor jong ngi, bad halor u blei jong ngi u Dagon.”

1 SAMUEL 5:9

Te ynda ki la bah noh ïa ka, ka kti U Trai ka la ïaleh pyrshah ïa kata ka shnong ruh da ka jingpynjot kaba khraw eh: bad u la pynshitom ïa ki rangbah jong kata ka shnong, ki barit bad ki bakhraw, bad ka jingpang ba lang snam ka la mih ha ki.

1 SAMUEL 6:8

phin shim ruh ïa ka synduk U Trai, bad phin buh ïa ka halor kata ka kali; te kita ki mar ksiar kiba phi la ai ha u ban long ka jingainguh namar ka jingpalat, phin thep hapoh i synduk bad buh ha krung jong ka; bad to phah noh ïa ka, ba kan leit noh.

1 SAMUEL 6:9

Phin khmih ruh, lada ka leit kiew na kata ka lynti ka phang jong ka hi sha Beth-shemesh, te kumta u la pynngat ma u ïa kane ka jingsniew ka bakhraw halor jong ngi: hynrei, lada em, ngin ïoh tip ba ym dei ka kti jong u ba la shoh ïa ngi; kane ka la shu jia ryngkhat ha ngi.”