1 SAMUEL 6:18 - KA BAIBL

¹⁸ bad kita ki khnai ksiar, katba kum ka jingkheiñ ki nongbah ki Philistia baroh kiba la dei ha kita ki san ngut ki doloi, kita ki nongbah ba la ker kynroh bad ki nongrit kiba khlem kynroh ruh: haduh uta u mawbah, ha uba ki la buh ïa ka synduk U Trai, uta u maw u dang sah haduh kane ka sngi keiñ ha ka lyngkha u Joshua u nong Beth-shemesh.

Khasi CL Bible (BSI)

¹⁸ Ki phah ruh ïa ki dur khnai kiba da ka ksiar, uwei na ka bynta kawei kawei ka nongbah ba la synshar da ki san ngut ki syiem Philistia, ki shnong ba la ker kynroh bad ki bym shym la ker kynroh. Uta u mawbah ha ka lyngkha u Joshua uba ha Beth Shemesh, ha uba ki buh ïa ka synduk ka Jutang, u dang don hangta kum u sakhi haduh kane ka sngi ïa kaei kaba la jia.

1 SAMUEL 6:18 ပူးပေါင်းရင်းမြစ်များ

DEUTERONOMI 3:5

Ïa kine ki nongbah baroh la ker sawdong da ki kynroh bajrong, da ki khyrdop, bad da ki dieng khap; nalor shibun ki shnong ki bym shym la ker kynroh.

JOSHUA 13:3

na Shihor, kaba ha shuwa ka Ijipt, haduh ka pud ka Ekron shaphang shatei, ïa kata, la ñiew ka jong ki Kanaan: san ngut ki doloi ki Philistia; ki Gasa, ki Ashdod, ki Ashkelon, ki Gath, bad ki Ekron; ki Abbim ruh, shaphang shathie:

1 SAMUEL 6:4

Te ki ruh ki la ïa-ong, “Kaei kata ka jingainguh namar ka jingpalat kaba ngin ai ha u?” Te ki la ïathuh, “San tylli ki dur ki jingat lang snam da ka ksiar, bad san tylli ki khnai ksiar, katba kum ka jingkheiñ ki doloi ki Philistia: naba ha phi baroh bad ha ki doloi jong phi, ka la ngat kajuh ka jingpang.