1 SAMUEL 5:8 - KA BAIBL

⁸ Namar kata, ki la phah ïalum lang sha ki, ïa ki doloi ki Philistia baroh, bad ki la ïa-ong, “Ngin leh kumno ïa kane ka synduk U Blei ki Israel?” Ki te ki la ong, “Ai ba yn bah noh ïa kata ka synduk U Blei ki Israel sha Gath.” Te ki la ïabah noh ïa ka synduk U Blei ki Israel shata.

Khasi CL Bible (BSI)

⁸ Kumta ki phah ïa ki nonglamktien bad khot lang ïa baroh san ngut ki syiem Philistia bad kylli ïa ki, “Ngin leh kumno ïa kane ka Synduk ka Jutang jong U Blei ki Israel?” “Leit rah ïa ka sha Gath,” ki la jubab; kumta ki bah ïa ka sha Gath, kawei pat ka nongbah ki Philistia.

1 SAMUEL 5:8 ပူးပေါင်းရင်းမြစ်များ

1 KHRONIKL 7:21

bad u Sabad, u khun jong u, bad u Shuthelah u khun jong u, bad u Eser, bad u Elead, ïa kiba ki nong Gath kiba la kha ha ka ri ki la pynïap, namar ba ki la wan hiar ban knieh noh ïa ki jingri jong ki.

AMOS 6:2

To ïaid haduh Kalneh, bad to khmih; bad nangta to leit haduh ka Hamath bah: ynda kumta, leit hiar sha Gath jong ki Philistia: hato ki kham bha ban ïa kine ki hima? lane ki pud hima jong ki, ki kham jrong ban ïa ka pud hima jong phi?

SEKHARAÏAH 12:3

Te kan jia ha kata ka sngi, ba ngan pynlong ïa ka Jerusalem u maw bakhia ïa ki paidbah baroh; baroh kiba pynkit ïa ka ha ki yn pynmong sat ïa ki; bad ki jaid bynriew baroh ka khyndew kin ïalum lang pyrshah ïa ka.

JOSHUA 13:3

na Shihor, kaba ha shuwa ka Ijipt, haduh ka pud ka Ekron shaphang shatei, ïa kata, la ñiew ka jong ki Kanaan: san ngut ki doloi ki Philistia; ki Gasa, ki Ashdod, ki Ashkelon, ki Gath, bad ki Ekron; ki Abbim ruh, shaphang shathie:

JOSHUA 15:11

bad kata ka pud ka la siat sha khap ka Ekron shaphang shatei: bad ka pud ka la leit sha Shikkeron, bad ka la pom sha u lum Baalah, bad ka la poi sha Jabnil; bad ki kut ka pud ki ha ka duriaw.

1 SAMUEL 17:4

Te la wan mih u briew hapdeng jong ki na ka jaka shong dara ki Philistia, uba kyrteng “u Goliath”, na Gath, uba ka rynïeng jong u, hynriew pruh shi tda.

1 SAMUEL 17:52

Bad ki paidbah Israel bad Judah ki la ïeng, bad ki la risa, bad ki la beh ïa ki Philistia, haduh kaba poi ha Gath, bad haduh ki khyrdop ka Ekron keiñ. Te kita ki Philistia ki la kyllon ba la pynmynsaw ïa ki ha kata ka lynti sha Shaaraim, jin haduh Gath, bad haduh Ekron de.

1 SAMUEL 29:6

Ynda kumta, u Akhish u la khot ïa u Dabid, bad u la ong ha u, “Katba im U Trai, me la long u bahok, bad ka jingmih shabar jong me bad ka jingwan shapoh jong me lem bad nga ha ka jaka shong dara ka la long kaba sngewbha ha khmat jong nga: namar ngam shym shem ïa ka pop ei ei ha me naduh kata ka sngi kaba me la wan sha nga haduh kane ka sngi: hynrei, kine ki doloi kim sngewbha ïa me.

1 SAMUEL 5:11

Ynda kumta te, ki la phah ïalum lang ïa ki doloi ki Philistia baroh, bad ki la ïa-ong, “To phah noh ïa kane ka synduk U Blei ki Israel, to ai ruh ba kan leit noh pat ha ka jaka jong ka, ba kan ym pynïap ïa ngi, bad ïa ki briew jong ngi:” naba ka la don ka jingpynjot kaba pynïap ha kata ka shnong baroh; ka kti U Blei ka la ban khia eh hangta.

1 SAMUEL 5:7

Te haba ki Ashdod ki la ïohi ba ka la long kumta, ki la ïa-ong, “Kane ka synduk U Blei ki Israel kan ym ïoh sah bad ngi: naba ka kti jong u ka pynshitom eh halor jong ngi, bad halor u blei jong ngi u Dagon.”

1 SAMUEL 6:2

Bad ki Philistia ki la phah khot ïa ki lyngdoh bad ïa ki nongkhan, ki da ong, “Ngin leh kumno ïa kane ka synduk U Trai? to ïathuh ha ngi da kumno ngin phah noh ïa ka sha ka jaka jong ka.”