1 SAMUEL 5:7 - KA BAIBL

⁷ Te haba ki Ashdod ki la ïohi ba ka la long kumta, ki la ïa-ong, “Kane ka synduk U Blei ki Israel kan ym ïoh sah bad ngi: naba ka kti jong u ka pynshitom eh halor jong ngi, bad halor u blei jong ngi u Dagon.”

Khasi CL Bible (BSI)

⁷ Haba ki la ïohi ïa kaei kaba jia, ki ong, “U Blei ki Israel u pynshitom ïa ngi bad ïa u Dagon u blei jong ngi. Ngin ym shah shuh ïa ka Synduk ka Jutang ban don sah hangne.”

1 SAMUEL 5:7 ပူးပေါင်းရင်းမြစ်များ

2 SAMUEL 6:9

Bad u Dabid u la sheptieng ïa U Trai ha kata ka sngi; bad u la ong, “Kumno kan wan ka synduk U Trai sha nga?”

1 KHRONIKL 15:13

Namar haba phim shym bah ïa ka ha kaba nyngkong, U Trai U Blei jong ngi u la pynmong ïa ngi, namar ba ngim shym la wad ïa u katba kum ka hukum.”

EKSODOS 10:7

Te ki shakri u Pharaoh ki la ïa-ong ha u, “Slem katno une u briew un long ka jingriam ïa ngi? To pyllait noh ïa kita ki briew, ba kin ïoh shakri ïa U Trai U Blei jong ki: balei mem pat tip ba la pynjot ïa ka ri Ijipt?”

EKSODOS 12:33

Te kita ki Ijipt ki la ïakyntu eh ïa u paidbah, ki da phah noh ïa ki na kata ka ri da kaba kyrkieh; naba ki la ïa-ong, “Ngi la ïap lut noh.”

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

EKSODOS 9:28

To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”

JEREMAÏAH 46:25

U Trai ki paid, U Blei ki Israel, u ong: “Ha khmih, ngan pynshitom ïa u Amon jong ka No, bad ïa u Pharaoh, bad ïa ka Ijipt, lem bad ki blei jong ka, bad ki syiem jong ka; ïa u Pharaoh keiñ, bad ïa kita kiba shaniah ha u.

JEREMAÏAH 48:7

Naba, namar ba me la shaniah ha ki kam jong me bad ha ki jingkynshew jong me, ïa me ruh yn jop noh: te u Khemosh un leit sha ka jinglongmraw, ki lyngdoh jong u bad ki rangbah jong u ruh lang.

1 SAMUEL 4:8

Kordit ïa ngi! uei u ban pynim ïa ngi na ka kti jong kine ki blei kiba don bor? Dei kine ki blei kiba la shoh ïa ki Ijipt da kita ki jingïapthem baroh ha kata ka ri khlaw.

1 SAMUEL 5:6

Bad ka kti U Trai ka la ban khia halor ki Ashdod, bad u la pynjot ïa ki bad u la pynngat ïa ka jingpang ba lang snam ha ki, ha Ashdod ruh bad ha ki phang jong ka.

1 SAMUEL 5:8

Namar kata, ki la phah ïalum lang sha ki, ïa ki doloi ki Philistia baroh, bad ki la ïa-ong, “Ngin leh kumno ïa kane ka synduk U Blei ki Israel?” Ki te ki la ong, “Ai ba yn bah noh ïa kata ka synduk U Blei ki Israel sha Gath.” Te ki la ïabah noh ïa ka synduk U Blei ki Israel shata.

1 SAMUEL 6:20

Bad ki Beth-shemesh ki la ïa-ong, “Uei uba lah ban ïeng ha khmat une U Trai, une U Blei u bakhuid? Bad sha kino un leit noh na ngi?”