1 SAMUEL 5:6 - KA BAIBL

⁶ Bad ka kti U Trai ka la ban khia halor ki Ashdod, bad u la pynjot ïa ki bad u la pynngat ïa ka jingpang ba lang snam ha ki, ha Ashdod ruh bad ha ki phang jong ka.

Khasi CL Bible (BSI)

⁶ U Trai u la pynshitom jur ïa ki nong Ashdod bad u pyntriem ïa ki. U la pynshitom ïa ki bad ïa ki briew sawdong ka ri da kaba pynmih ha ki ïa ka jingpang thung.

1 SAMUEL 5:6 ပူးပေါင်းရင်းမြစ်များ

JENESIS 41:31

bad yn ym ithuh shuh ïa kata ka jingdap kyrhai ha ka ri namar kata ka 'nemsniew ban sa jia hadien; naba kan long kaba jur eh.

Ka Kitab U Job 31:3

Hato kam long ka jynjar ha u bymhok, bad ka jingjot ha ki nongleh bymman?

SALM 145:20

U Trai u ri kyndong ïa kiba ieit ïa u baroh: hynrei, ïa ki bymman baroh un pynjot noh.

SALM 147:6

U Trai u kyrshan ïa ki bajemnud: u pynpoh ïa ki bymman haduh khyndew.

SALM 32:4

Namar synñia sngi ka kti jong me ka la khia halor jong nga: ïa ka jingsngem jong nga la pynkylla kumba da ka jingrang ryngkhiang ka lyiur. Selah.

SALM 78:66

U la shoh da dien ïa ki nongïaleh pyrshah jong u: u la buh ïa ki ha ka jingrkhiebeiñ kaba ha la ka rta.

EKSODOS 9:3

ha khmih, ka kti U Trai kan long halor ki jingri jong me kiba ha ka lyngkha, halor ki kulai, halor ki kadda, halor ki ut, halor ki masi de, bad halor ki langbrot ruh: kan wan ka jingïapkhlam ki mrad kaba jur eh.

KI KAM 13:11

Mynta te ha khmih, ka kti U Trai ka long halor jong me, bad men sa matlah, khlem da ïohi ïa ka sngi katto katne por.” Te shisyndon la hap ha u, u lyoh bad ka jingdum; te u la leit kylleng u da wad ïa ki ban btin ïa u na ka kti.

DEUTERONOMI 28:27

U Trai un shoh ïa me da ka thung pong ka ri Ijipt, bad da ka jingpang lang snam, bad da ka sarew, bad da u 'ñiangtrew, na kiba ym lah ban pynkhiah ïa me.

1 SAMUEL 5:11

Ynda kumta te, ki la phah ïalum lang ïa ki doloi ki Philistia baroh, bad ki la ïa-ong, “To phah noh ïa kane ka synduk U Blei ki Israel, to ai ruh ba kan leit noh pat ha ka jaka jong ka, ba kan ym pynïap ïa ngi, bad ïa ki briew jong ngi:” naba ka la don ka jingpynjot kaba pynïap ha kata ka shnong baroh; ka kti U Blei ka la ban khia eh hangta.

1 SAMUEL 5:7

Te haba ki Ashdod ki la ïohi ba ka la long kumta, ki la ïa-ong, “Kane ka synduk U Blei ki Israel kan ym ïoh sah bad ngi: naba ka kti jong u ka pynshitom eh halor jong ngi, bad halor u blei jong ngi u Dagon.”

1 SAMUEL 5:9

Te ynda ki la bah noh ïa ka, ka kti U Trai ka la ïaleh pyrshah ïa kata ka shnong ruh da ka jingpynjot kaba khraw eh: bad u la pynshitom ïa ki rangbah jong kata ka shnong, ki barit bad ki bakhraw, bad ka jingpang ba lang snam ka la mih ha ki.