1 SAMUEL 5:4 - KA BAIBL

⁴ Ha kaba lashai pat ki la khie la dang step, te ha khmih, u Dagon u la kyllon da pyrkup ha ka khyndew ha khmat kata ka synduk U Trai; bad ka khlieh u Dagon bad baroh ar ki slakti jong u ki la don ha ka jingryngkang, ba ki la lah dkut noh; ka la sah sa tang ka met hi ha u Dagon.

Khasi CL Bible (BSI)

⁴ Kum la shai dang step phyrngab ki ïohi ba u mot u la kyllon biang ha khmat ka Synduk ka Jutang. Ha kane ka sien ka khlieh bad ki kti jong u baroh ar tylli ki la dkut bad ki don hamar ka jingkhang; sah sa tang ka met.

1 SAMUEL 5:4 ပူးပေါင်းရင်းမြစ်များ

ISAÏAH 27:9

Namar kata, da kane, ïa ka jingbymhok u Jakob yn pynkhuid, bad kane baroh ka long u soh kaba map noh ïa ka pop jong u; haba u pynlong ïa ki maw ka duwan baroh kum ki mawshun ba la shoh lyngkhot lyngkhai, ba kumta ki Asherah bad ki dur sngi kin ym ïeng shuh.

ISAÏAH 40:20

Uta u bakyrduh ka jingkñia kat kata u jied da u dieng u ban ym pyut; u wad ha lade ïa u nongtrei dieng u bastad ban pynïeng ïa ka durblei, ka ban ym khih.

JEREMAÏAH 10:11

Kumne phin ong ha ki, “Kita ki blei ki bym shym la thaw ïa ki bneng bad ïa ka khyndew, kita kin duh noh na ka khyndew, bad napoh ki bneng.”

JEREMAÏAH 10:14

U briew baroh u la kylla bieit khlem ka jingtip; ïa u bania baroh ka durblei jong u ka la pynlehrain ïa u: naba ka durblei ba la saiñ jong u ka long lamler, bad ym don mynsiem ha ki.

JEREMAÏAH 10:15

Ki long ka jingthala, ka kam ka jingshukor; ha ka por ka jingwan-i jong ki kin duh noh.

JEREMAÏAH 50:2

“To ïathuh phi hapdeng ki jaid bynriew bad to pynbna, bad to pynïeng ïa ka lama; to pynbna, bad wat buhrieh: to ong, ‘Ïa ka Babilon la jop, ïa u Bel la pynlehrain, u Merodak u la khaw-eit; ïa ki dur jong ka la pynlehrain, ki durblei jong ka ki la khaw-eit.’

DANIEL 11:8

bad ïa ki bleithaw jong ki, bad ïa ki durblei ba la shu saiñ jong ki, bad ïa ki khiew babha jong ki, kiba da ka rupa bad ka ksiar, un ring mraw sha Ijipt; bad un kynran khyndiat snem na uta u syiem na shatei.

MIKAH 1:7

Bad ïa ki durblei jong ka baroh yn lympat lyngkhot lyngkhai, bad ïa ki nong jong ka baroh yn thang ha ding, bad ïa ki bleithaw jong ka baroh ngan ai ban pynjot noh: naba ka la lum ïa ki, na ka nong jong ka nuti, bad sha ka nong jong ka nuti kin phai pat.”

1 SAMUEL 6:5

Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.