1 SAMUEL 5:3 - KA BAIBL

³ Bad ki Ashdod ha kaba lashai ki la khie dang step, te ha khmih, u Dagon u la kyllon da pyrkup ha ka khyndew ha khmat kata ka synduk U Trai. Te ki la shim ïa u Dagon, bad ki la pynïeng pat ïa u ha la ka jaka.

Khasi CL Bible (BSI)

³ Dang step phyrngab ha ka sngi kaba bud, ki briew ka Ashdod, ki la ïohi ïa u mot jong u Dagon ba u la kyllon da pyllup ha madan ha khmat ka Synduk ka Jutang U Trai. Kumta ki khyllie bad buh biang ïa u ha kajuh ka jaka.

1 SAMUEL 5:3 ပူးပေါင်းရင်းမြစ်များ

1 SYIEM 18:26

Bad ki la shim ïa uta u masi dab uba la ai ha ki, bad ki la khreh ïa u, bad ki la khot ha ka kyrteng u Baal naduh mynstep jin haduh shiteng sngi, ki ïa-ong, “A Baal, to sngew ïa ngi.” Hynrei, ym shym don ktien ei ei, lymne uno uno ba jubab. Bad ki la ïarynsied sawdong kata ka duwan kaba la thaw.

SALM 115:7

ki don ki kti, hynrei, kim tba; ki kjat ki don, hynrei, kim ïaid; lymne kim kren ruh da la ka ryndang.

SALM 97:7

To kin lehrain khop kita baroh kiba shakri ïa ki dur bleithaw, kiba sngewsarong ha ki bleithaw: to mane ïa u, phi ki blei baroh.

EKSODOS 12:12

Naba ngan ïaid lyngba ka ri Ijipt ha kane ka miet, bad ngan shoh ïap ïa u khun nyngkong baroh kiba ha ka ri Ijipt, u jong u briew bad u jong u mrad ruh; bad pyrshah ïa ki blei ka ri Ijipt ngan pynlong ïa ka jingbishar: ma nga, nga long U Trai.

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

ISAÏAH 40:20

Uta u bakyrduh ka jingkñia kat kata u jied da u dieng u ban ym pyut; u wad ha lade ïa u nongtrei dieng u bastad ban pynïeng ïa ka durblei, ka ban ym khih.

ISAÏAH 41:7

Kumta u misteri u la pynshlur ïa u bania, bad uta uba sad da u tyrnem ïa uta uba shoh ïa u rniang, u da ong shaphang kaba ai paiñ, “Ka long ka babha”; bad u la pynskhem ïa ka da ki prek, ba kan ym khih.

ISAÏAH 46:7

Ki bah ïa u ha ka tyrpeng, ki kit ïa u, ki buh ruh ïa u ha la ka jaka, te u ïeng; na la ka jaka un ym kynriah: bad uwei un pyrta ïa u, te um lah ban phai ktien, lymne pynim ïa uta na ka jingshitom jong u.

JEREMAÏAH 10:8

Hynrei, ki ïalong lang ki barunar bad ki babieit: ka jinghikai ki durblei, ka long tang ka met dieng.

SEPHANAÏAH 2:11

U Trai un long uba shyrkhei ïa ki: naba un pynïapthngan ïa ki blei jong ka khyndew baroh; bad ki briew kin mane ïa U, uwei pa uwei na ki na la ka jaka, ki 'dewlynnong baroh jong ki jaid bynriew.

MARKOS 3:11

Ki mynsiem bymkhuid ruh, haba ki la ïohi ïa u, ki la dem khrup ha khmat jong u, bad ki la ïapyrta, ki da ong, “Me long U Khun U Blei!”

1 SAMUEL 6:1

Te ka synduk U Trai ka la sah ha ka ri ki Philistia hynñiew bnai.

1 SAMUEL 6:5

Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.